ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ ⛪
📣 30.08.2026-ಆಯ್ತಾರಾಚ್ಯೊ ತಿಳ್ಸೊಣ್ಯೊ
📌1.ಆಯ್ಚಿ ಲಿತುರ್ಜಿ: ಸಾಂ. ವಿಶೆಂತ್ ಪಾವ್ಲ್ ಸಭಾ / ಲೂರ್ಡ್ಸ್ ವಾಡೊ / ದೇವ್ ಸ್ತುತಿ ಆಯೋಗ್ ದೇವ್ಬರೆಂ ಕರುಂ.
📌2. ಆಲ್ತಾರಿ ಫುಲಾಂ ದಿಲ್ಲ್ಯಾ ನಿತ್ಯಾಧಾರ್ ವಾಡ್ಯಾಚ್ಯಾ ವಿನ್ನಿ ಡಿಸೋಜಾಕ್. ದೇವ್ಬರೆಂ ಕರುಂ.
📌3. ಫಾಲ್ಯಾಂ/ಆಜ್ 8 ಚ್ಯಾ ಮಿಸಾ ಉಪ್ರಾಂತ್ ಮೊಂತಿ ಸಾಯ್ಬಿಣಿಚ್ಯಾ ಮಾನಾಕ್ ನೊವೆನ್ ಆನಿ ಭುರ್ಗ್ಯಾಂ ಸವೆಂ ಮೆಳುನ್ ಫುಲಾಂ ಅರ್ಪಣ್. ತ್ಯಾ ಉಪ್ರಾಂತ್ ಭುರ್ಗ್ಯಾಂಚೆಂ ಮೀಸ್ ಆನಿ ಭುರ್ಗ್ಯಾಂಕ್ ಸ್ವೀಟ್ಸ್ ವಾಂಟ್ತೆಲ್ಯಾಂವ್. [ದೊತೊರ್ನೆಚ್ಯಾ ಭುರ್ಗ್ಯಾಂನಿ ಫುಲಾಂ ಹಾಡ್ನ್ ಕ್ಲಾಸಿಕ್ ಯೆಂವ್ಚೆ] ಸೊಮಾರಾ ಥಾವ್ನ್ ಸಕಾಳಿಂ 6.45 ಚ್ಯಾ ಮಿಸಾ ಉಪ್ರಾಂತ್ ಫುಲಾಂ ಅರ್ಪಣ್ ಮ್ಹಣ್ ಉಡಾಸ್ ದವರಾ.
📌4. ಫಾಲ್ಯಾಂ/ಆಜ್ 8 ಚ್ಯಾ ಮಿಸಾ ಉಪ್ರಾಂತ್ ಕಥೊಲಿಕ್ ಸಭಾ 35ವ್ಯಾ ಕೊಂಕ್ಣಿ ಮಾನ್ಯೆತಾ ದಿಸಾ ಬಾಬ್ತಿಂ ಮಟ್ವೆಂ ಕಾರ್ಯಕ್ರಮ್ ಮಿನಿ ಹೊಲಾಂತ್ ಚಲಯ್ತಾ. ಸಹಕಾರ್ ದಿವ್ಯಾಂ. ಸಾಂಜೆರ್ 3 ವೊರಾರ್ ಮಿನಿ ಹೊಲಾಂತ್ ಭಾಷಣ್ ಸ್ಪರ್ಧೊ ಚಲ್ತಲೊ.
📌5. ಹ್ಯಾ ಹಾಪ್ತ್ಯಾಚ್ಯಾ ಸೊಮಾರಾ, ಮಂಗ್ಳಾರಾ ಆನಿ ಬುದ್ವಾರಾ ಘರಾಂತ್ಲ್ಯಾ ಪ್ರಾಯ್ವಂತಾಂಕ್ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ತೆಲ್ಯಾಂವ್. ನೊವೆನಾಚೆಂ ಮೀಸ್ ಜಾತಚ್ ಯೆಂವ್ಚೆ ದೆಕುನ್, ಇಲ್ಲೊ ವೇಳ್ ಜಾತಲೊ.
📌6. ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಬುದ್ವಾರಾ ಸಾಂಜೆರ್ 4.30 ಥಾವ್ನ್ 5.30 ವೊರಾರ್ ಕುಮ್ಸಾರಾಂ ದವರ್ಲ್ಯಾತ್. ಭಾಯ್ಲೆ ಯಾಜಕ್ ಆಸ್ತೆಲೆ.
📌7. ಆದ್ಲ್ಯಾ ಹಾಪ್ತ್ಯಾಂತ್ ಲಿತುರ್ಜಿ ಸಮಿತಿಚೆಂ ಮೀಟಿಂಗ್ ಚಲ್ಲೆ. ಆತಾಂ ವಾಚಾಪ್ ಸುರು ಆನಿ ಅಕೇರ್ ಕರ್ಚೆ ವಿಶಿಂ ಬದ್ಲಾವಣ್ ಆಸಾ ದೆಕುನ್, ಪ್ರ್ಯಾಕ್ಟಿಸಾಕ್ ಸಕ್ಡಾಂನಿ ಯೇಜೆ. ಮೀಟಿಂಗಾರ್ ಪ್ರಸ್ತಾಪ್ ಕೆಲ್ಲೆ ಆನಿ ದೋನ್ ವಿಚಾರ್ ತುಮ್ಯಾ ಗಮಾನಾಕ್ ಹಾಡ್ತಾಂವ್: ಥೊಡಿ ಜಣಾಂ ವಾಚ್ಪಾಚ್ಯಾ ಪ್ರ್ಯಾಕ್ಟಿಸಾಕ್ ಯೆತಾನಾ ಕಾಂಯ್ ತಯಾರಾಯ್ ಕರಿನಾಸ್ತಾಂ ಯೆತಾತ್. ವಾಚ್ಪಾಂ ವಾಟ್ಸಾಪಾರ್ ಪಯ್ಲೆಂಚ್ ಧಾಡ್ತಾಂವ್. ಖಂಚೆ ವಾಚಾಪ್ ಮ್ಹಣ್ ಸಾರ್ಕೆಂ ಪಳೆವ್ನ್, ತಾಂಕ್ತಾ ತಿತ್ಲೆಂ ಪ್ರಾಕ್ಟಿಸ್ ಕರುನ್ ಯೇಜೆ. ಹಾಂಗಾಸರ್ ಚಡುಣೆಂ ಆಸ್ಲ್ಲೆಂ ತಿದ್ವುಂಕ್ ಪಳೆಂವ್ಚೆಂ ಮಾತ್ರ್. ವಾಚ್ಪ್ಯಾಂನಿ ವೆಳಾರ್ ಹೆಂ ಗಮಾನಂತ್ ಘೆಂವ್ಕ್ ಲಿತುರ್ಜಿ ಸಮಿತಿ ಪ್ರತಿನಿಧಿನಿ ಪಳೆವ್ನ್ ಘೆಜೆ. ದುಸ್ರ್ಯಾನ್, ಕಾಣಿಕ್ ಜಮಾಂವ್ಕ್ ಲಿತುರ್ಜಿ ಚಲಂವ್ಕ್ ಆಸ್ಲ್ಯಾಂನಿ ಪಳೆವ್ನ್ ಘೆಜೆ. ಜಾಯ್ಪುರ್ತೆ ಜಣಾಂ ಆಸಾಶೆಂ ಗುರ್ಕಾರ್/ಆಯೋಗ್/ ಸಂಘಚ್ಯಾ ಮುಕೆಲ್ಯಾಂನಿ ಪಳೆವ್ನ್ ಘೆಜೆ. ಥೊಡೆ ಜಣ್, ಚಡ್ತಾವ್ ಜಾವ್ನ್ ಫೆಸ್ತಾ ದಿಸಾಂನಿ ಆನಿ ಆಯ್ತಾರಾ ೮ಚ್ಯಾ ಮಿಸಾಕ್, ತಾಂಕಾಂ ನಮ್ಯಾರುಂಕ್ ನಾತ್ಲ್ಯಾರೀ, ಕಾಣಿಕ್ ಜಮಾಂವ್ಕ್ ಮುಕಾರ್ ಯೆತಾತ್. ಹಾಚೆ ವರ್ವಿ ಗುಸ್ಪಡ್ ಜಾತಾ ಮ್ಹಳ್ಳೆಂ ಸಮ್ಜನ್ ಘೆಯಾ ಆನಿ ಸಹಕರ್ ದಿಯಾ.
📌8. ಫಿರ್ಗಜೆಚೊ ಶಿಕ್ಪಾ ಆಯೋಗ್ ಆನಿ ಕಥೊಲಿಕ್ ಸಭಾ ಸಾಂಗಾತಾ ಮೆಳುನ್ ಅಂವ್ದು ಧಾವಿ ಆನಿ ಪಿಯುಸಿ ಆಸ್ಚ್ಯಾ ಸರ್ವ್ ಭುರ್ಗ್ಯಾಂಕ್ ಫುಡಾರಾಕ್ ಬರೆಂ ಮಾರ್ಗದರ್ಶನ್ ದಿವ್ಚ್ಯಾಂಕ್ ಸಪ್ತೆಂಬರ್ 14 ವೆರ್ ಸಕಾಳಿಂ 9.30 ಥಾವ್ನ್ 11.00 ಪರ್ಯಾಂತ್ ಏಕ್ ಸೆಮಿನಾರ್ ಚಲಯ್ತೆಲ್ಯಾಂವ್. ಹೆಂ ಏಕ್ ಬರೆಂ ಕಾರ್ಯಕ್ರಮ್; ಭಾಯ್ಲೆ ಬರೆ ಸಂಪನ್ಮೂಳ್ ವ್ಯಕ್ತಿ ಯೆತಾತ್. ಭುರ್ಗ್ಯಾಂನಿ ತಾಂಚ್ಯಾ ಎಕಾ ಪೇರಂಟಾ ಸಾಂಗಾತಾ ಹ್ಯಾ ಸೆಮಿನಾರಾಕ್ ಹಾಜರ್ ಆಸ್ಚೆ ಕಡ್ಡಾಯೆಚೆಂ. ತೊ ದೀಸ್ ಪಬ್ಲಿಕ್ ರಜೆಚೊ ಹೆರ್ ಕಾರ್ಯಕ್ರಮ್ ಘೆನಾಕಾತ್
📌9. ಯೆತಾತ್ಯಾ ಸನ್ವಾರಾ ಶಿಕ್ಷಕಾಂಚೊ ದೀಸ್. ಸಾಂಜೆಚ್ಯಾ ಮಿಸಾರ್ ಫಿರ್ಗಜೆಚ್ಯಾ ಟೀಚರಾಂ ಪಾಸತ್ ಮಾಗೊಂಕ್ ಆನಿ ತಾಂಕಾ ಮಟ್ವ್ಯಾನ್ ಮಾನ್ ಕರುಂಕ್ ಶಿಕ್ಪಾ ಆಯೋಗ್ ಮುಕಾರ್ ಸರ್ಲಾ. ತ್ಯಾ ಮಿಸಾಕ್ ಹಾಜರ್ ಜಾಂವ್ಕ್ ಮನ್ ಆಸ್ಚ್ಯಾ ಟೀಚರಾಂಚಿ ನಾಂವಾಂ ವಿಚಾರಲ್ಲ್ಯಾರ್ ಸಹಕಾರ್ ದಿಯಾ.
📌10. ಯೆಂವ್ಚ್ಯಾ ಹಪ್ತ್ಯಾಂತ್ ಲಿತುರ್ಜಿ
🕟 ಸನ್ವಾರಾ ಸಾಂಜೆರ್ 4.30 ವೊರಾರ್ – ಶಿಕ್ಷಣ್ ಆಯೋಗ್
🕕 ಆಯ್ತಾರಾ ಸಕಾಳಿಂ 6.00 ವೊರಾರ್ – ವೆಲಂಕಣಿ ವಾಡೊ
🕗 8.00 ವೊರಾರ್ – ಮದರ್ ತೆರೆಜಾ ವಾಡೊ.
📌11. ಫಾಲ್ಯಾ/ಆಜ್ ಸಾಂಜೆರ್ ವಾಡ್ಯಾ ಜಮಾತ್ಯೊ
▫️5.00ರೊಜಾರ್ ಮಾಂಯ್ – ಸ್ಟ್ಯಾನಿ ಐರಲ್ ರೊಡ್ರಿಗಸ್
▪️5.00 ಸಾಂ. ಲೊರೆಸ್ – ಬೀನಾ ಬ್ರುನೊ ಲೂವಿಸ್.