ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ ⛪
📣 06.09.2026 ಆಯ್ತಾರಾಚ್ಯೊ ತಿಳ್ಸೊಣ್ಯೊ
📌1. ಆಯ್ಚಿ ಲಿತುರ್ಜಿ: ಶಿಕ್ಷಣ್ ಆಯೋಗ್/ ವೆಲಂಕಣಿ ವಾಡೊ / ಮದರ್ ತೆರೆಜಾ ವಾಡೊ + ಸಾಂ. ಅಂತೊನಿ ವಾಡ್ಯಾಚಾ ಭುರ್ಗ್ಯಾಂಕ್ ದೇವ್ಬರೆಂ ಕರುಂ.
📌2. (ಸನ್ವಾರಾ ಸಾಂಜೆರ್) ಶಿಕ್ಷಕಾಂಚ್ಯಾ ದಿಸಾ ಸಂದರ್ಭಿಂ ಆಮ್ಚ್ಯಾ ಸರ್ವ್ ಟೀಚರಾಂಕ್ ಆಮಿ ಬರೆಂ ಮಾಗ್ತಾಂವ್. ಇಸ್ಕಾಲಾಂತ್, ಇಗರ್ಜೆಂತ್ ತಾಂಚಿ ಸೆವಾ ಆನಿ ಮುಂದರುನ್ ಕುಟ್ಮಾಂತ್, ಸಮಾಜೆಂತ್ ತಾಣಿ ಕರ್ಚ್ಯಾ ಮಿಸಾಂವಾಕ್ ದೇವ್ ಆಶೀರ್ವಾದ್ ದೀಂವ್ ಮ್ಹಣ್ ಮಾಗ್ತಾಂವ್.[ಶಿಕ್ಪಾ ಆಯೋಗ್]
📌3. ವಾಡ್ಯಾ ಫೆಸ್ತಾ ಸಂದರ್ಭಿಂ ಆಲ್ತಾರಿ ಫುಲಾಂ ದಿಲ್ಯಾತ್ ಮದರ್ ತೆರೆಜಾ ವಾಡ್ಯಾಗಾರ್ಯಾಂನಿ ತಾಂಕಾಂ ದೇವ್ಬರೆಂ ಕರುಂ. ಫೆಸ್ತಾಚೆಂ ಸಹಮಿಲನ್ ಮಾಂಡವಿ ರೂಫ್-ಟೊಪಾರ್ 11.30 ವೊರಾರ್.
📌4. .ಫಾಲ್ಯಾಂ/ಆಜ್ 8 ಚ್ಯಾ ಮಿಸಾ ಉಪ್ರಾಂತ್ ಮೊಂತಿ ಸಾಯ್ಬಿಣಿಚ್ಯಾ ಮಾನಾಕ್ ನೊವೆನ್ ಆನಿ ಭುರ್ಗ್ಯಾಂ ಸವೆಂ ಮೆಳುನ್ ಫುಲಾಂ ಅರ್ಪಣ್. ಆಯ್ತಾರಾ ಭುರ್ಗ್ಯಾಂಚೆಂ ಮೀಸ್ ನಾ. ಸೊಮಾರಾ ಸಕಾಳಿಂ 6.45 ಚ್ಯಾ ಮಿಸಾ ಉಪ್ರಾಂತ್, ಆನಿ ಮೊಂತಿ ಫೆಸ್ತಾ ದೀಸ್ ಇಸ್ಕಾಲಾಂತ್ ಕಣ್ಶಿ ಬೆಂಜಾರ್ ಜಾತಚ್ ಫುಲಾಂ ಅರ್ಪಣ್ ಮ್ಹಣ್ ಉಡಾಸ್ ದವರಾ.
📌5. ಫಾಲ್ಯಾಂ/ಆಜ್ ಸೀನಿಯರ್ ಸಿಟಿಜನ್ ಕ್ಲಬ್ಬಾಚೆಂ ಮೀಟಿಂಗ್ ಮಿನಿ ಹೊಲಾಂತ್ ಆಸಾ.
📌6. ಮೊಂತಿ ಫೆಸ್ತಾಕ್ ಗರ್ಜೆವಂತ್ ಕುಟ್ಮಾಂಕ್ ಹರ್ಶೆಂಚ್ಯಾ ಬರಿ ಫಿರ್ಗಜ್ಗಾರಾಂನಿ ದಿಲ್ಲಿ ಕಾಣಿಕ್ ವಾಂಟ್ತಾತ್. ಪಾಟ್ಲ್ಯಾ ವರ್ಸಾ ನಾಂವ್ ದಿಲ್ಲ್ಯಾಂನಿ ಪರ್ತ್ಯಾನ್ ನಾಂವ್ ದಿವ್ಚಿ ಗರ್ಜ್ ನಾ. ಹೆರ್ ಕೊಣಾಕ್ ವೊರ್ವಿ ಜಾಯ್ತರ್ (ಆಜ್ಚ್) ವಿಗಾರಾಕ್ ಮೆಳುನ್ ನಾಂವ್ ದಿವ್ಯೆತ್.
📌7. ಫಿರ್ಗಜ್ಗಾರಾಂನಿ ಫೆಸ್ತಾಕ್ ದುರ್ಬಳ್ಯಾ ಕುಟ್ಮಾಕ್ ದಿವ್ಚಿ ವೊರ್ವಿಂ ಸೊಮಾರಾ ನೊವೆನಾಚ್ಯಾ ಮಿಸಾರ್ ಪಾವಿತ್ ಕರಾ. ಸೊಮಾರಾ ಸಕಾಳಿಂ 9 -10 ವೊರಾ ಪರ್ಯಾಂತ್ ಸಾಂ ವಿಶೆಂತ್ ಪಾವ್ಲ್ ಸಭೆಚೆ ಸಾಂದೆ ವೊರ್ವಿಂ ವಾಂಟ್ತಾತ್. ವೆಳಾರ್ ಯೆವ್ನ್ ವರ್ಚಿ.
📌8. ಫೆಸ್ತಾ ದೀಸ್ ಭುರ್ಗ್ಯಾಂಕ್ ಸ್ವೀಟ್ಸ್ ಇತ್ಯಾದಿ ದಿವ್ಚೆ ಆಸ್ಲ್ಯಾರ್ ಸೊಮಾರಾ 10 ವೊರಾ ಭಿತರ್ ಹಾಂಗಾ ಪಾವಿತ್ ಕರಿಜೆ. ದನ್ಪಾರಾ ಉಪ್ರಾಂತ್ ಯುವಜಣ್ ಐಟಮ್ಸ್ ಬ್ಯಾಗಾಂತ್ ಪ್ಯಾಕ್ ಕರುಂಕ್ ಯೆತಾತ್.
📌9. ಮೊಂತಿ ಫೆಸ್ತಾಕ್ ನವಿ ಕಣ್ಸಿ ಗುರ್ಕಾರಾಂನಿ ಹಾಡ್ಚಿ ಆನಿ ಸೊಮಾರಾ 3 ವೊರಾರ್ ಗುರ್ಕಾರ್ ಆನಿ ಸ್ತ್ರೀ ಸಂಘಟನಾಚಾ ಸಾಂದ್ಯಾಂನಿ ಮೆಳುನ್ ಕಣ್ಶಿ ನಿತಳ್ ಕರುಂಕ್ ಆಸಾ.
📌10. ಮಂಗ್ಳಾರಾ 7.30 ವೊರಾರ್ ಇಸ್ಕಾಲಾಚ್ಯಾ ಮುಕ್ಲ್ಯಾ ಸ್ಟೇಜಿಲಾಗಿಂ ಕಣ್ಶಿ ಬೆಂಜಾರ್ ಆನಿ ಭುರ್ಗ್ಯಾಂನಿ ಮೊಂತಿ ಮಾಯೆಕ್ ಫುಲಾಂ ಅರ್ಪಣ್ ಕರ್ಚಿ. ಫುರ್ಶಾಂವಾರ್ ಸ್ತ್ರೀ ಸಂಘಟನಾಚ್ಯಾಂನಿ ಫುಲಾಂ ಹಾಡುಂಕ್ ಆಸಾತ್. ಸರ್ವಾಂನಿ ಬ್ಯಾಂಡಾ ಸವೆಂ ಪುರ್ಶಾವಾಂರ್ ಇಗರ್ಜೆಕ್ ಯೆವ್ಚೆಂ. ತ್ಯಾ ಉಪ್ರಾಂತ್ ಮೀಸ್. ಕೆಮ್ಮಾಣ್ ರೊಡಾರ್ ಯೆತೆಲ್ಯಾಂನಿ ವಾಹನಾಂ ಪಾಟ್ಲ್ಯಾ ಮೈದಾನಾರ್ ಪಾರ್ಕ್ ಕರುಂಕ್.
📌11. ಗೊವ್ಳಿಕ್ ಮಂಡಳೆರ್ ಕೆಲ್ಲ್ಯಾ ನಿರ್ಧಾರಾ ಪರ್ಮಾಣೆಂ ದುಖಿಸಾಯ್ಬಿಣಿಚಿ ಸಾಲ್ವಿ, ಬುದ್ವಾರಾ 9 ತಾರಿಕೆ ಥಾವ್ನ್ ಸುರು ಜಾತಾ. ದೆಕುನ್ ಬುದ್ವಾರಾ ಥಾವ್ನ್ ಸುಕ್ರಾರಾ ಪರ್ಯಾಂತ್ ಸಾಂಜೆರ್ 5 ವೊರಾರ್ ಸಾಲ್ವೆಚೊ ತೇರ್ಸ್ ಆನಿ ಉಪ್ರಾಂತ್ ವಿಷಯಾಚ್ಯಾ ನಿಯಾಳಾ ಸವೆಂ ಮೀಸ್. ಯೆತಾತ್ಯಾ ಸನ್ವಾರಾ ಸಕಾಳಿಂ ಸಾದೆಂ ಮೀಸ್; ಸಾಂಜೆರ್ 4.15 ಕ್ ಸಾಲ್ವಿ; ಉಪ್ರಾಂತ್ ಅಯ್ತಾರಾಚೆಂ ಮೀಸ್. ಸಾಲ್ವೆಚೆ ತಾಸ್ 100 /- ರುಪೈ. ಸಾಲ್ವೆಚ್ಯಾ ದಿಸಾಂನಿ ಸಕಾಳಿಂ ಮೀಸ್ ನಾ.
📌12. ಆಮ್ಚ್ಯಾ ಐಸಿವೈಯಮಾನ್ ಚಲಂವ್ಚೆಂ ಮೊಂತಿಫೆಸ್ತಾಚೆ ವಾಡ್ಯಾವಾರ್ ಖೆಳ್ ಯೆತಾತ್ಯಾ ಆಯ್ತಾರಾ ದನ್ಪರಾ. ಚಡಿತ್ ವಿವರ್ ವೆಗಿಂಚ್ ತುಮ್ಕಾಂ ಮೆಳ್ತಲೊ. ಅಂವ್ದು ದೊರಿ ವೊಡ್ಚೊ ಸ್ಪರ್ಧೊ ನಾ.
📌13. ಯುವಗಾಜ್ ನಾಂವಾಚೊ, ಆಮ್ಚ್ಯಾ ದಿಯೆಸೆಜಿಚ್ಯಾ ಐಸಿವೈಯಮಾಚ್ಯಾ ವಾರ್ಷಿಕ್ ಪುಸ್ತಕಾಚೊ ನವೊ ಅಂಕೊ ಆಮ್ಚ್ಯಾ ಫಿರ್ಗಜೆಚ್ಯಾ ಲೊಯ್ಡ್ ಕರ್ನೆಲಿಯೊಚ್ಯಾ ಸಂಪಾದಕ್ಪಣ್ ಕೆಲಾ. ದೆಕುನ್ ತಾಕಾ ಅಭಿನಂಧನ್ ಪಾಟಯ್ತಾಂವ್. ಹಾಚಿ ಒನ್ಲೈನ್ ಲಿಂಕ್ – https://share.google/WCEFpmHCJdLX3H57X
📌14. 5 ಥಾವ್ನ್ 9 ವಿ ಕ್ಲಾಸ್ ಪರ್ಯಾಂತ್ಲ್ಯಾ ಚಲಿಯಾಂ ಪಾಸತ್, ಸ್ತ್ರೀ ಸಂಘಟಣಾಚೆ ಸಾಂದೆಂ ಸಪ್ತೆಂಬರ್ 14 ವೆರ್ ಸಕಾಳಿಂ 9 ಥಾವ್ನ್ 12 ಪರ್ಯಾಂತ್ ರೋಟರಿ ವ್ಹೀಲಾ ಸವೆಂ ಮೆಳುನ್ ಬರೆಂ ಏಕ್ ಕಾರ್ಯಕ್ರಮ್ ಚಲಯ್ತಾತ್. ಚಲಿಯಾಂನಿ ಹಾಜರ್ ಜಾವ್ನ್ ಫಾಯ್ದೊ ಜೊಡ್ಚೊ. ತ್ಯಾ ದೀಸ್ ಧಾವಿ+ಪಿಯುಸಿ ಭುರ್ಗ್ಯಾಂಕ್ ಕೆರೀಯರ್ ಗಾಯ್ಡೆನ್ಸ್ ಕಾರ್ಯಕ್ರಮ್ ಆಸಾ ಮ್ಹಣ್ ಉಡಾಸ್ ಆಸುಂ.
📌15. ಅಕ್ತೋಬರ್ 11 ಆಯ್ತಾರಾ ಮಿಲಾರ್ ಕಥೆದ್ರಾಲಾಂತ್ ವಾರಾಡ್ಯಾಚ್ಯಾ ಸರ್ವ್ ಸಾತ್ವಿ ಥಾವ್ನ್ ಧಾವಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್ ಕುಟ್ಮಾಜಿವಿತಾ ವಿಶಿಂ ಕುಟ್ಮಾ-ಆಯೋಗಾನ್ ಚಲಂವ್ಚೆ ಶಿಬಿರ್ ಆಸಾ. ತ್ಯಾ ಉಪ್ರಾಂತ್ ಅಕ್ತೋಬರ್ 12 ಥಾವ್ನ್ 14 ಪರ್ಯಾಂತ್ 8 ವಿ, 9 ವಿ, ಧಾವ್ಯಾ ಕ್ಲಾಸಿಂಚ್ಯಾ ಭುರ್ಗ್ಯಾಂಕ್ ಜೀವನ್ ಜ್ಯೋತಿ ಶಿಬಿರ್ ಆಸಾ. ಭುರ್ಗ್ಯಾಂಕ್ ಹಾಜರಿ ಖಡ್ಡಾಯೆಚಿ ದೆಕುನ್ ಆತಾಂಚ್ ತಿಳ್ಸಿತಾಂವ್.
📌16. ಯೆಂವ್ಚ್ಯಾ ಹಪ್ತ್ಯಾಂತ್ ಲಿತುರ್ಜಿ
🕟ಸನ್ವಾರಾ ಸಾಂಜೆರ್ 4.30 ವೊರಾರ್ – ನೀತ್ ಆನಿ ಶಾಂತಿ ಆಯೋಗ್ 🕕ಆಯ್ತಾರಾ ಸಕಾಳಿಂ 6 ವೊರಾರ್ – ಭಲಾಯ್ಕೆ ಆಯೋಗ್ 🕗8 ವೊರಾರ್ ಸಾಂ. ಫ್ರಾನ್ಸಿಸ್ ಸಾವೆರ್ ವಾಡೊ.
📌17. ಫಾಲ್ಯಾ/ಆಜ್ ಸಾಂಜೆರ್ ವಾಡ್ಯಾ ಜಮಾತ್ಯೊ
▪️4.30 ಸಾಂ. ಪೆದ್ರು – ಹೆಕ್ಟರ್ ಡೈಸಿ ಮೆಂಡೊನ್ಸಾ
▫️5.00 ಭಾಗೆವಂತ್ ಕುಟಾಮ್ – ನೆಲ್ಸನ್ ಮೆಬಲ್ ಫೆರ್ನಾಂಡಿಸ್
▪️5.00 ಬಾಳೊಕ್ ಜೆಜು -ಮಿಲ್ಟನ್ ಕ್ಯಾತ್ರಿನ್ ಬರೆಟ್ಟೊ.
▫️5.00 ಫಾತಿಮಾ – ಆಶಾ ಡಿಸೋಜಾ.