ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ
15.02.2026 – ಆಯ್ತಾರಾಚ್ಯೊ ತಿಳ್ಸೊಣ್ಯೊ
- ಹ್ಯಾ ಮಿಸಾಚಿ ಲಿತುರ್ಜಿ ಚಲಯ್ಲ್ಯಾ ನೀತ್ ಆನಿ ಶಾಂತಿ ಆಯೋಗ್ / ಬಾಳಕ್ ಮರಿ / ಲೂರ್ಡ್ಸ್ ವಾಡ್ಯಾಕ್ ದೇವ್ಬರೆಂ ಕರುಂ.
- ಲೂರ್ದ್ಸ್ ವಾಡ್ಯಾಗಾರಾಂ ಆಜ್ ವಾಡ್ಯಾ ಫೆಸ್ತ್ ಸಂಭ್ರಮ್ತಾತ್. ತಾಣಿಂ ಆಯ್ಚಿ ಆಲ್ತಾರಿ ಫುಲಾಂ ಸ್ಪೊನ್ಸರ್ ಕೆಲ್ಯಾತ್. ದೇವ್ಬರೆಂ ಕರುಂ. ಫೆಸ್ತಾಚೆ ಸಹಮಿಲನ್ ಸಾಂಜೆರ್ 5:30 ವೊರಾರ್ ಟೈಟಸ್ ಡೋಲಿ ಡೀಸೋಜಾಚಾ ಘರಾ.
- ಫಾಲ್ಯಾಂ/ಆಜ್ ಭುರ್ಗ್ಯಾಂಕ್ ದೊತೊರ್ನೆಚಿ ಎಕ್ಸಾಮ್ ಆಸಾ. ತ್ಯಾ ಉಪ್ರಾಂತ್ ಭುರ್ಗ್ಯಾಂಚೆಂ ಮೀಸ್ ಆಸಾ.
- ಫಾಲ್ಯಾಂ/ಆಜ್ 8ಚ್ಯಾ ಮಿಸಾ ಉಪ್ರಾಂತ್ ಕಥೊಲಿಕ್ ಸಭೆಚೆ ಮೀಟಿಂಗ್ ಆಸಾ. ಕಥೊಲಿಕ್ ಸಭೆನ್ ಹ್ಯಾ ಎಪ್ರಿಲ್ 5ವೆರ್ ಪಾಸ್ಕಾ ಆಯ್ತಾರಾ ಸಾಂಜೆರ್ ಆಮ್ಚ್ಯಾ ಗ್ರೌಂವ್ಡಾರ್ ರೀಶಲ್ ಡಿಸೋಜಾಚಿ ಸಂಗೀತ್ ಸಾಂಜ್ ಯೋಜಿತ್ ಕೆಲ್ಯಾ. ತ್ಯಾ ಮುಕಾಂತ್ರ್ ಗೊರಟ್ಟಿ ಆಸ್ಪತ್ರೆಂತ್ ದುಬ್ಳ್ಯಾ ಲೊಕಾಕ್ ಡಾಯಾಲಿಸಿಸ್, ಆ್ಯಂಬುಲೆನ್ಸ್ ಆನಿ ಹೆರ್ ಚಿಕಿತ್ಸ್ ಸೌಲತ್ಯೊ ಒದಗ್ಸುಂಕ್ ಆಧಾರ್ ಜಾತಲೊ. ಹ್ಯಾ ಪಾಸತ್ ಕಥೊಲಿಕ್ ಸಭೆಚೆ ಸಾಂದೆ ಹ್ಯಾ ಹಾಪ್ತ್ಯಾಂತ್ ಆನಿ ಮುಕ್ಲ್ಯಾ ದಿಸಾಂನಿ ತುಮ್ಚ್ಯಾ ಘರಾಕ್ ಭೆಟ್ ದಿತೆಲೆ. ತುಮ್ಚೊ ಸಹಕಾರ್ ತಾಂಕಾಂ ದಿಯಾ.
- ಸೊಮಾರಾ ಕಲ್ಯಾನ್ಪುರ್ ವಾರಾಡ್ಯಾಚ್ಯಾ ಯಾಜಕಾಂಚೆಂ ಸಹಮಿಲನ್ ಆಸ್ಲ್ಯಾನ್ ಆಮಿ ದೋಗೀ ದಫ್ತರಾಂತ್ ಆಸ್ಚೆನಾಂವ್.
- ಮಂಗ್ಳಾರಾ 17ವೆರ್ ಕೆರೆಕಟ್ಟೆ ಸಾಂತ್ ಆಂತೊನಿಚ್ಯಾ ಜಿಬೆಚಿ ಪರಬ್. ಫೆಸ್ತ್ ಮೀಸ್ ಸಕಾಳಿಂ 10:30ಕ್. ಚಡಿತ್ ವಿವರ್ ನೋ.ಬೊ. ಆಸಾ.
- ಹ್ಯಾ 18 ವೆರ್ ಸಿಂಜಿಚೊ ಬುದ್ವಾರ್. ತ್ಯಾ ದೀಸ್ ಥಾವ್ನ್ ಕರೆಜ್ಮ್ ವಾ ಪ್ರಾಚಿತ್ ಕಾಲ್ ಆರಂಭ್ ಜಾತಾ. ಮಿಸಾಂ ಸಕಾಳಿಂ 7ವೊರಾರ್ ಆನಿ ಸಾಂಜೆರ್ 5:30 ವೊರಾರ್. ಸಕಾಳಿಂಚ್ಯಾ ಮಿಸಾ ಉಪ್ರಾಂತ್ ವಾಡ್ಯಾ-ಖುರಿಸ್ ವಾಡ್ಯಾಕ್ ವ್ಹರುಂಕ್. ಕರೆಜ್ಮಾಚ್ಯಾ ದಿಸಾಂನಿ ಹರ್ ದೀಸ್ ಮಿಸಾ ಪಯ್ಲೆಂ ಖುರ್ಸಾ ವಾಟ್ ಆಸಾ; ಹೆರ್ ಭಕ್ತಿಪಣಾಂ ನಾಂತ್. ಖುರ್ಸಾ ವಾಟ್ ಚಲಯ್ತೆಲ್ಯಾಂನಿ ಪಯ್ಲೆಂಚ್ ಸಿಸ್ಟ್ರಾಂಕ್ ಮೆಳುನ್ ತಯಾರಾಯ್ ಕರ್ಚಿ. ಸುಕ್ರಾರಾ ಸಾಂಜೆರ್ ಪವಿತ್ರ್ ಸಾಕ್ರಾಮೆಂತಾಚ್ಯಾ ಆರಾಧನಾ ಬದ್ಲಾಕ್ ಸಂಘ-ಸಂಸ್ಥ್ಯಾಂಚ್ಯಾ ಮುಕೆಲ್ಪಣಾರ್ ಖುರ್ಸಾವಾಟ್ ಚಲಯ್ತಾಂವ್. ಆಯ್ತಾರಾ 8ಚ್ಯಾ ಮಿಸಾ ಪಯ್ಲೆಂ, ಲಿತುರ್ಜಿ ಚಲಯ್ತೆಲ್ಯಾಂನಿ ಖುರ್ಸಾವಾಟ್ ಶಿಕಂವ್ಚಿ.
- ಯೆತಾತ್ಯಾ ಆಯ್ತಾರಾ 8ಚ್ಯಾ ಮಿಸಾ ಉಪ್ರಾಂತ್ ಹೊಲಾಂತ್ ದೊತೊರ್ನೆಚೊ ದಿಸಾಚೆಂ ಸಮಾಪ್ತ್ ಕಾರ್ಯೆಂ ಚಲಯ್ತಾಂವ್. ದೊತೊರ್ನಿಚ್ಯಾ ಭುರ್ಗ್ಯಾಂಚ್ಯಾ ವ್ಹಡಿಲಾಂಕ್ ಸ್ವಾಗತ್ ಆಸಾ.
- ಯೆತಾತ್ಯಾ ಆಯ್ತಾರಾ ಲಿತುರ್ಜಿ:
- ಸನ್ವಾರಾ ಸಾಂಜೆರ್ 4:30ವೊರಾರ್ – ಕಥೊಲಿಕ್ ಸಭಾ
- ಆಯ್ತಾರಾ 6ವೊರಾರ್ – ಸಾಂ ಪೆದ್ರು
- ಆಯ್ತಾರಾ 8ವೊರಾರ್ – ಕ್ರಿಸ್ತಾಂವ್ ಶಿಕ್ಷಣ್
- ಯೆತಾತ್ಯಾ ಆಯ್ತಾರಾ ಸಕಾಳಿ 9-12 ಪರ್ಯಾಂತ್ ಗೊರೆಟ್ಟಿ ಆಸ್ಪತ್ರೆಂತ್ ಧರ್ಮಾರ್ಥ್ ಭಲಾಯ್ಕೆ ತಪಾಸ್ಣೆ ಶಿಬಿರ್ ಮಾಂಡುನ್ ಹಾಡ್ಲಾಂ. ಗರ್ಜೆವಂತಾನಿಂ ಹಾಚೊ ಪಾಯ್ದೊ ಜೊಡ್ಚೊ. ಚಡಿತ್ ವಿವರ್ ನೋ.ಬೊ. ಆಸಾ.
- ಮಿಸಾ ವೆಳಾರ್ ವಾಚ್ಪಾಂ ವಾಚ್ತೆಲ್ಯಾಂಕ್ ವಿಶೇಸ್ ತರ್ಭೆತಿ ಘೆಂವ್ಕ್ ಆಸಕ್ತವಂತಾಂನಿ ನಾಂವಾಂ ದಾಖಲ್ ಕರುಂಕ್ ಸಾಂಗ್ಲೆಂ. ಎದೊಳ್ 2 ವಾಡ್ಯಾಂನಿ ನಾಂವಾಂ ದಿಲ್ಯಾತ್. ಬಾಕಿಚ್ಯಾಂನಿ ಬುದ್ವಾರಾ ಭಿತರ್ ದೀಜೆ.
- ಫಾಲ್ಯಾಂ/ಆಜ್ ಸಾಂಜೆರ್ 2 ವಾಡ್ಯಾಂನಿ 5ವೊರಾರ್ ಜಮಾತ್ಯೊ:
- ಸಾಂ ಪಾವ್ಲ್ – ಹಿಲರಿ ಫೆರ್ನಾಂಡಿಸ್
- ಸಾಂ ಫ್ರಾನ್ಸಿಸ್ ಸಾವೆರ್ – ಅಲೆಕ್ಸಾಂಡರ್ ಪ್ರೆಮಲತಾ ಡೇಸಾ