ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ
22.02.2026 – ಆಯ್ತಾರಾಚ್ಯೊ ತಿಳ್ಸೊಣ್ಯೊ
- ಆಯ್ಚಿ ಶಿಕವ್ಣ್: ದೈವಿಕ್ ದಾಯ್ಜ್ ಸಂಕೊ 73-80 ಆನಿ 106
- ಹ್ಯಾ ಮಿಸಾಚಿ ಲಿತುರ್ಜಿ ಚಲಯ್ಲ್ಯಾ ಕಥೊಲಿಕ್ ಸಭಾ / ಸಾಂ ಪೆದ್ರು / ಕ್ರಿಸ್ತಾಂವ್ ಶಿಕ್ಷಣ್ ದೇವ್ಬರೆಂ ಕರುಂ.
- (ಸನ್ವಾರಾ) ಆತಾಂ ಬೈಬಲ್ ಆಯೋಗಾಚ್ಯಾ ಸಾಂದ್ಯಾಂಚೆ ಮೀಟಿಂಗ್ ಮಿನಿ ಹೊಲಾಂತ್ ಆಸಾ.
- ಫಾಲ್ಯಾಂ/ಆಜ್ 8ಚ್ಯಾ ಮಿಸಾ ಉಪ್ರಾಂತ್ ದೊತೊರ್ನೆಚ್ಯಾ ದಿಸಾಚೆಂ ಸಮಾಪ್ತ್ ಕಾರ್ಯೆಂ ಹೊಲಾಂತ್ ಚಲಯ್ತಾಂವ್. ಭುರ್ಗ್ಯಾಂಕ್ ಆನಿ ವ್ಹಡಿಲಾಂಕ್ ಹ್ಯಾ ಕಾರ್ಯಾಕ್ ಸ್ವಾಗತ್ ಆಸಾ. ವರ್ಸ್ಭರ್ ದೊತೊರ್ನ್ ಶಿಕಯ್ಲ್ಯಾ ಟೀಚರಾಂಕ್ ಆನಿ ಸಂಚಾಲಕಿ ಶ್ರೀಮತಿ ಲವೀನಾ ಡಿಸೋಜಾಕ್ ದೇವ್ಬರೆಂ ಕರುಂ. ಭುರ್ಗ್ಯಾಂಕ್ ದೊತೊರ್ನೆಚ್ಯಾ ಕ್ಲಾಸಿಂಕ್ ಆನಿ ಮಿಸಾಕ್ ಧಾಡ್ಲ್ಲ್ಯಾ ವ್ಹಡಿಲಾಂಚೊ ಆಭಾರ್ ಮಾಂದ್ತಾಂವ್. ಸಾಧಾರ್ಣ್ 11 ವೊರಾರ್ ಹೊಲಾಂತ್ಲೆ ಕಾರ್ಯೆಂ ಸಂಪ್ತೆಲೆಂ.
- ಫಾಲ್ಯಾಂ/ಆಜ್ ಸಕಾಳಿ 9-12 ಪರ್ಯಾಂತ್ ಗೊರೆಟ್ಟಿ ಆಸತ್ರೆಂತ್ ಧರ್ಮಾರ್ಥ್ ಭಲಾಯ್ಕೆ ತಪಾಸ್ಣೆ ಶಿಬಿರ್ ಮಾಂಡುನ್ ಹಾಡ್ಲಾಂ. ಗರ್ಜೆವಂತಾನಿಂ ಹಾಚೊ ಫಾಯ್ದೊ ಜೊಡ್ಚೊ. ಕಾರ್ಯಕ್ರಮಾಕ್ ಫಿರ್ಗಜೆಚೊ ಭಲಾಯ್ಕೆ ಆಯೋಗ್ ಸಾಂಗಾತ್ ದಿತಾ.
- ಯೆತಾತ್ಯಾ ಆಯ್ತಾರಾ 8ಚ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಮಂಡಳೆಚಿ ಜಮಾತ್ ಆಸಾ. ಪ್ರಧಾನ್ ವಿಷಯ್: ಆಯೋಗಾಂಚ್ಯಾ ಗೊವ್ಳಿಕ್ ಯೋಜನಾಂಚಿ ಕಾರ್ಯಿಂ, ಬೈಬಲ್ ಗಾಜವ್ಣಿ, ಯುವಜಣಾಂಚೆಂ ತೈಝೆ ಮಾಗ್ಣೆಂ, ನವ್ಯಾ ಬಿಸ್ಪಾಚ್ಯಾ ಒಡ್ದಿಚೆಂ ಕಾರ್ಯೆಂ ಇತ್ಯಾದಿ. ಸಾಂದ್ಯಾಂನಿ ಹಾಜರ್ ಜಾವ್ಚೆಂ.
- ಯೆತಾತ್ಯಾ ಆಯ್ತಾರಾ ಲಿತುರ್ಜಿ:
- ಸನ್ವಾರಾ ಸಾಂಜೆರ್ 4:30ವೊರಾರ್ – ಶಿಕ್ಪಾ ಆಯೋಗ್
- ಆಯ್ತಾರಾ 6ವೊರಾರ್ – ಸಾಮಾಜಿಕ್ ಅಭಿವೃದ್ಧಿ ಆಯೋಗ್;
- ಆಯ್ತಾರಾ 8ವೊರಾರ್ – ಮದರ್ ತೆರೆಜಾ
- ಮಾರ್ಚಾಚ್ಯಾ 4,+5 ತಶೆಂಚ್ 9ಥಾವ್ನ್ 11 ಪರ್ಯಾಂತ್ ಘರ್-ಕುಟ್ಮಾಂಚೆಂ ಆಶಿರ್ವಚನ್ ಆಸಾ. ಚಡಿತ್ ವಿವರ್ ನೋ.ಬೊ. ಆಸಾ ಆನಿ ವಾಟ್ಸಾಪಾರ್ ಧಾಡ್ಲಾ.
- ಆಮ್ಚ್ಯಾ ಫಿರ್ಗಜೆಚಿ ವೆಬ್ಸೈಟ್ ಪಾಟ್ಲ್ಯಾ ಥೊಡ್ಯಾ ತೆಂಪಾ ಥಾವ್ನ್ ನಿಷ್ಕ್ರಿಯ್ ಆಸ್ಲ್ಲಿ. ಆತಾಂ ತಿ ಸಾರ್ಕಿ ಕೆಲ್ಯಾ. ಆಮ್ಚೊ ಜಾಳಿಜಾಗೊ: www.mountrosarychurch.com ಶ್ರೀಮತಿ ಹಿಲ್ಡಾ ಕರ್ನೆಲಿಯೊನ್ ಹ್ಯಾ ಪಾಸತ್ ವಾವ್ರ್ ಕೆಲ್ಲ್ಯಾಕ್ ತಿಚೊ ಆಭಾರ್ ಮಾಂದ್ತಾಂವ್.
- ಯೆತಾತ್ಯಾ ಆಯ್ತಾರಾ ಜಾಗತಿಕ್ ಸ್ತ್ರೀಯಾಂಚೊ ದಿವಸ್. ಫಿರ್ಗಜೆಚ್ಯಾ ಸ್ತ್ರೀ ಸಂಘಟನಾಚೆಂ ವಿಶೇಸ್ ಕಾರ್ಯೆಂ ಆಸ್ತೆಲೆಂ. ಮುಕ್ಲ್ಯಾ ಆಯ್ತಾರಾ ಥಾವ್ನ್ ಭುರ್ಗ್ಯಾಂಚೆಂ ಮೀಸ್ ನಾ ಮ್ಹಳ್ಳೆಂ ಉಡಾಸ್ ಆಸುಂ.
- ಮಿಸಾ ವೆಳಾರ್ ವಾಚ್ಪಾಂ ವಾಚ್ತೆಲ್ಯಾಂಕ್ ವಿಶೇಸ್ ತರ್ಭೆತಿ ಘೆಂವ್ಕ್ ನಾಂವಾಂ ವಾಡ್ಯಾವಾರ್ ದಾಖಲ್ ಕೆಲ್ಯಾತ್. ಥೊಡ್ಯಾ ವಾಡ್ಯಾಂನಿ ಸಂಕೊ ಇಲ್ಲೊ ಚಡ್ ಆಸಾ. ಎಕಾ ಕುಟ್ಮಾ ಥಾವ್ನ್ ಎಕ್ಲ್ಯಾನ್ ಆಸ್ಲ್ಯಾರ್ ಪುರೊ. ಹುದ್ದ್ಯಾ ಹಕ್ಕಾರ್ ಆಸ್ಚ್ಯಾ ಚಡಿತ್ ಏಕಾ ಸಾಂದ್ಯಾನ್ ನಾಂವ್ ದಿವ್ಯೆತ್. ಗುರ್ಕಾರಾಂನಿ, ಸಂಘ-ಸಂಸ್ಥ್ಯಾಂಚ್ಯಾ ಮುಕೆಲ್ಯಾಂನಿ ಆನಿ ಆಯೋಗಾಚ್ಯಾ ಸಂಚಾಲಕಾಂನಿ ಆಸ್ಚೆಂ ಗರ್ಜ್. ಭುರ್ಗ್ಯಾಂಕ್ ಆನಿ ಯುವಜಣಾಂಕ್ ಹ್ಯಾ ಪಗ್ಡಾಂತ್ ಘೆವ್ಚೆಂ ನಾ. ಸುರ್ವಿಲಿ ತರ್ಭೆತಿ ಮಾರ್ಚ್ 15ವೆರ್ ಆಯ್ತಾರಾ 8ಚ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ. ನಾಂವಾಂ ದಿಲ್ಲ್ಯಾಂಚಿ ಹಾಜರಿ ಖಡ್ಡಾಯೆಚಿ. ಫಳಾರಾಚಿ ವಿಲೆವಾರಿ ಕರುಂಕ್ ಆಸಾ ತೆಂ ಗಮಾನಾಂತ್ ಘೆಯಾ.
- ರೋಡ್ ಆಕ್ಸಿಡೆಂಟಾನ್ ಮತೀಹೀನ್ ಆಸ್ಚ್ಯಾ ಆಸ್ಸಿಸಿ ವಾಡ್ಯಾಚ್ಯಾ ಯುವತಿ ರೀಶಲಾಚ್ಯಾ ಚಿಕಿತ್ಸೆ ವಿಶಿಂ: ಹ್ಯಾ ಬ್ರೆಸ್ತಾರಾ ತಾಕಾ ಚಡಿತ್ ಎಕ್ ಸರ್ಜರಿ ಕೆಲ್ಲ್ಯಾನ್ ಆತಾಂ ಇಲ್ಲೆಂ ಬರೆಪಣ್ ಆಸಾ. ಕುಟ್ಮಾಕ್ ಮಸ್ತ್ ಖರ್ಚ್ ಜಾಲಾ ಆನಿ ಮುಕಾರ್ ಚಿಕಿತ್ಸೆಕ್ ಖರ್ಚ್ ಆಸಾ ದೆಕುನ್ ಫಿರ್ಗಜೆ ಥಾವ್ನ್, ಸಂಪದಾ ಥಾವ್ನ್ ಕುಮಕ್ ಇಲ್ಲಿ ಕೆಲ್ಯಾ. ದಾಯ್ಜಿವರ್ಲ್ಡಾರ್ ಅಪೀಲ್ ಕೆಲ್ಲ್ಯಾನ್ ಡೊನೆಶನ್ ಯೇವ್ನ್ ಆಸಾತ್. ಆಮ್ಚ್ಯಾ ಫಿರ್ಗಜೆಚ್ಯಾ ಐಸಿವೈಎಮ್+ವೈಸಿಯಸ್ ಯುವಜಣಾಂನಿ ಸಾಂಗಾತಾ ಮೆಳುನ್ ಡೊನೆಶನ್ ಜಮಯ್ಲಾ. ತಾಚೊ ವಿವರ್ ನೋ.ಬೊ. ಆಸಾ. ಚಡಿತ್ ಗರ್ಜ್ ಪಡ್ತಾನಾ ಫಿರ್ಗಜ್ಗಾರಾಂಕ್ ತಿಳ್ಸಿತೆಲ್ಯಾಂವ್. ಸದ್ದ್ಯಾಕ್ ರೀಶೆಲಾನ್ ವೆಗಿಂಚ್ ಬರೆಂ ಜಾಂವ್ಚ್ಯಾಕ್ ಆಮ್ಚೆಂ ಮಾಗ್ಣೆಂ ಆಮಿ ಭೆಟವ್ಯಾಂ.
- ದೊತೊರ್ ಲೆಸ್ಲಿ ಸೋಜ್, ಆಮ್ಚ್ಯಾ ನವ್ಯಾ ಬಿಸ್ಪಾಚಿ ಒಡ್ದ್ ಆನಿ ಸೆವೆಸ್ಥಾನ್ ಸ್ವೀಕಾರ್ ಎಪ್ರಿಲಾಚಾ 20ವೆರ್ ಮಿಲಾರ್ ಕಥೆದ್ರಾಲಾಚ್ಯಾ ಸಕ್ಯ್ಲ್ಯಾ ಮೈದಾನಾರ್ ಆಸ್ತೆಲಿ. ಮಾರ್ಚಾಚ್ಯಾ ಅಕೆರೆ ಭಿತರ್ ಹಾಜರ್ ಜಾತೆಲ್ಯಾಂಚಿ ನಾಂವಾಂ ದೀವ್ಕ್ ಆಸಾತ್. ರಜೆಚೊ ದೀಸ್ ತೊ. ಹಾಜರಿ ಅಮಾನತ್ ಕರಾ. ಚಡಿತ್ ವಿವರ್ ಉಪ್ರಾಂತ್…
- ಫಾಲ್ಯಾಂ/ಆಜ್ ಸಾಂಜೆರ್ 5ವೊರಾರ್ ಜಮಾತ್:
ಫಾತಿಮಾ – ಜೆನೆವಿವ್ ಕಿರಣ್ ಡಿಸೋಜಾ