ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ
08.03.2026 – ಆಯ್ತಾರಾಚ್ಯೊ ತಿಳ್ಸೊಣ್ಯೊ
- ಆಯ್ಚಿ ಶಿಕವ್ಣ್: ದೈವಿಕ್ ದಾಯ್ಜ್ ಸಂಕೊ 90-100
- ಹ್ಯಾ ಮಿಸಾಚಿ ಲಿತುರ್ಜಿ ಚಲಯ್ಲ್ಯಾ ಸಾಂ ಫಿಲಿಪ್ನೆರಿ / ಪವಿತ್ರ್ ಪುಸ್ತಕ್ ಆಯೋಗ್/ಸ್ತ್ರೀ-ಸಂಘ..ದೇವ್ಬರೆಂ ಕರುಂ.
- ಫಾಲ್ಯಾಂ/ಆಜ್ ಜಾಗತಿಕ್ ಸ್ತ್ರೀಯಾಂಚೊ ದಿವಸ್. 8ಚ್ಯಾ ಮಿಸಾ ಉಪ್ರಾಂತ್ ಮಿಲೇನಿಯಮ್ ಹೊಲಾಂತ್ ಫಿರ್ಗಜೆಚ್ಯಾ ಸ್ತ್ರೀ ಸಂಘಟನಾಚೆಂ ವಿಶೇಸ್ ಕಾರ್ಯೆಂ ಆಸಾ.
- ಫಾಲ್ಯಾಂ/ಆಜ್ 8ಚ್ಯಾ ಮಿಸಾ ಉಪ್ರಾಂತ್ ಸೆಕುಲಾರ್ ಫ್ರಾನ್ಸಿಸ್ಕನ್ ಒಡ್ದಿಚೊ ಆಟೋವ್ ಮಿನಿಹೊಲಾಂತ್ ಆಸಾ.
- ಹ್ಯಾ ಸೊಮಾರಾ, ಮಂಗ್ಳಾರಾ ಆನಿ ಬುದ್ವಾರಾ ಘರ್-ಕುಟ್ಮಾಂಚೆಂ ಆಶಿರ್ವಚನ್ ಆಸಾ; ಸಕಾಳಿಂ 8 ಉಪ್ರಾಂತ್ ಆರಂಭ್ ಕರ್ತಾಂವ್. ಯಾಜಕಾಂಕ್ ಪಿಯೆಂವ್ಕ್-ಖಾವ್ಕ್ ದಿವ್ಚೆಂ ನಾಕಾ. ವಾಚಾಪ್ ಆನಿ ಪ್ರಾರ್ಥನಾಂ ಕುಟ್ಮಾಚ್ಯಾ ಸಾಂದ್ಯಾಂನಿ ಕರುಂಕ್. ಹೆರ್ ಮಾಂಡಾವಳ್ ಗುರ್ಕಾರ್ ತುಮ್ಕಾಂ ಸಾಂಗ್ತಾತ್.
- ಆರ್ಥಿಕ್ ಆನಿ ಗೊವ್ಳಿಕ್ ಮಂಡಳೆರ್ ಪ್ರಸ್ತುತ್ ಕೆಲ್ಲೆಂ ಫಿರ್ಗಜೆಚ್ಯಾ ವ್ಹಡ್ಲ್ಯಾ ಫೆಸ್ತಾಚೆಂ ಲೇಕ್ ನೊ.ಬೊ. ಘಾಲಾಂ.
- ಯೆತಾತ್ಯಾ ಆಯ್ತಾರಾ ಲಿತುರ್ಜಿ:
- ಸನ್ವಾರಾ ಸಾಂಜೆರ್ 4:30ವೊರಾರ್ – ವೈ.ಸಿ.ಎಸ್.
- ಆಯ್ತಾರಾ 6ವೊರಾರ್ -ಅಂತರ್ ಧರ್ಮೀಯ್ ಆಯೋಗ್;
- ಆಯ್ತಾರಾ 8ವೊರಾರ್ -ಬಾಳೊಕ್ ಜೆಜು ವಾಡೊ
- ಆದ್ಲ್ಯಾ ಗೊವ್ಳಿಕ್ ಮಂಡಳೆರ್ ಘೆತ್ಲ್ಲ್ಯಾ ದೋನ್ ನಿರ್ಣಯಾಂ ವಿಶಿಂ ಎದೊಳ್ಚ್ ವಾಡ್ಯಾ ವಾಟ್ಸಾಪಾರ್ ತಿಳ್ಸಿಲಾಂ. 1.ಘರ್ ಬೆಜ್ಮೆಂತಾಂ ವೆಳಿಂ ಸಂಪದಾಚ್ಯಾ ಟಿಕೆಟಿಂ ಬದ್ಲಾಕ್ ಏಕ್ ಕವರ್ ದಿತಾತ್. ತಾಂತು ತುಮ್ಚಿ ಖುಶೆಚಿ ಕಾಣಿಕ್ ತೀನ್ ಉದ್ದೇಶಾಂ ಭಿತರ್ ಖಂಚ್ಯಾಯ್ಕೀ ತುಮಿ ಟಿಕ್ ಕರ್ಯೆತ್. ವಾಡೊ ಖಂಚೊ ಮ್ಹಣ್ ಕಾಣ್ಸುಂಕ್ ಆಸಾ, ನಾಂವ್ ಬರಂವ್ಚೆಂ ಖುಶೆಚೆ. ವಾಡ್ಯಾ ಲೆಕಾರ್ ಜಮೊ ಜಾಲ್ಲೊ ಐವಜ್ ಆಮಿ ಇಗರ್ಜೆ ಥಾವ್ನ್ ಸಂಪದಾಕ್ ಧಾಡುಂಕ್ ಆಸಾ. 2.ಮೊನ್ಸಿ. ಲೆಸ್ಲಿ ಡಿಸೋಜಾಚ್ಯಾ ಬಿಸ್ಪಾಚ್ಯೆ ದೀಕ್ಷೆ ವೆಳಿಂ ಖರ್ಚಾ ಬಾಬ್ತಿಂ: ದೊಗಾಂಯ್ ಬಿಸ್ಪಾಂಚ್ಯೆ ಸಮ್ಮತೆನ್, ಒರ್ಗನಯ್ಜಿಂಗ್ ಕಮಿಟಿಚ್ಯಾ ಶಿಫಾರಾಸೆ ಪರ್ಮಾಣೆಂ, ಶಿರ್ವಾಂ ಫಿರ್ಗಜೆ ಥಾವ್ನ್ ಜೆವ್ಣಾ-ಖಾಣಾಚೊ ಖರ್ಚ್, ಪಾಂಗ್ಳಾ ಪಿರ್ಗಜೆ ಥಾವ್ನ್ ಸ್ಟೇಜ್, ಶಾಮಿಯಾನಾ-ಬಸ್ಕಾ ಮಾಂಡಾವಳೆಚೊ ಖರ್ಚ್, ಆನಿ ಮೌಂಟ್ ರೋಜರಿ ಥಾವ್ನ್ ಜನರೇಟರ್, ಸೌಂಡ್-ಸಿಸ್ಟಮ್, ಸ್ಟೇಜ್ ಲೈಂಟಿಂಗ್+ಡೆಕೋರೇಶನ್, ಮೀಡಿಯಾ ಖರ್ಚ್ ಪಳೆವ್ನ್ ಘೆಂವ್ಚೊ. ಹೆರ್ ಫಿರ್ಗಜಾಂ ಥಾವ್ನ್ ಖರ್ಚಾ ವಿಶಿಂ ಕಾಂಯ್ ವಿಚಾರ್ಚೆಂ ನಾ. ಆಮ್ಕಾಂ 7ಲಾಕ್ ಖರ್ಚ್ ಆಸಾ ಮ್ಹಣ್ ಅಂದಾಜ್ ಸಾಂಗ್ಲಾ. ಆಮ್ಚ್ಯಾ ಗೊವ್ಳಿಕ್ ಮಂಡಳೆರ್ ಹೊ ಪ್ರಸ್ತಾಪ್, ನಿರ್ಣಯ್ ಕೆಲ್ಲ್ಯಾ ಪರ್ಮಾಣೆಂ: ಆಮ್ಚ್ಯಾ ಇಸ್ಕಾಲಾ ಥಾವ್ನ್ 2 ಲಾಕ್, ಲೊಕಾನ್ ದಿಲ್ಲೆಂ ಖುಶೆಚೆ ದಾನ್ ಆನಿ ಉಣೆಂ ಪಡ್ಲ್ಲೆಂ ಇಗರ್ಜೆ ಥಾವ್ನ್ ದಿವ್ಚೆಂ. ದೆಕುನ್ ಜೆಜ್ಮೆಂತಾಂ ವೆಳಿಂ ವಾ ಉಪ್ರಾಂತ್ ಮ್ಹಣ್ಜೆ ಮಾರ್ಚ್ 20 ಭಿತರ್ ತುಮಿ ಗುರ್ಕಾರಾ ಮುಕಾಂತ್ರ್ ವಾ ಇಗರ್ಜೆ ಆಪಿಸಾಕ್ ತುಮ್ಚಿ ಕಾಣಿಕ್ ಪಾವಿತ್ ಕರ್ಚಿ. ಆಮ್ಚ್ಯಾ ಫಿರ್ಗಜೆಂತ್ ಮೊನ್ಸಿ.ಬಾಪ್ ಲೆಸ್ಲಿಚಿ ಸೆವಾ ಮಾಂದುಂನ್ ತುಮಿ ಉದಾರ್ ಮನ್ ದಾಕಯ್ತೆಲ್ಯಾತ್ ಮ್ಹಣ್ ಭರ್ವಸ್ತಾಂವ್.
- ಮಾರ್ಚ್ 13ವೆರ್ ಸುಕ್ರಾರಾ ಸಾಂಜೆಚ್ಯಾ ಮಿಸಾ ಉಪ್ರಾಂತ್ ಮಿಲೇನಿಯಮ್ ಹೊಲಾಂತ್ ಯುವಜಣಾಂಕ್ ತೈಝೆ ಮಾಗ್ಣೆಂ ಆಸಾ. ಯುವಜಾಣಾಂ ಸಂಗಿಂ ವ್ಹಡಿಲಾಂನಿ ಆನಿ ಆಸಕ್ತ್ ಆಸ್ಲೆಲ್ಯಾಂನಿ ಹಾಜರ್ ಆಸ್ಚೆಂ ಬರೆಂ.
- ಆಮ್ಚ್ಯಾ ಮಿನಿಹೊಲಾಕ್ ಆನಿ ಲ್ಹಾನ್ ಕಾರ್ಯಾಂಕ್ ಉಪ್ಕಾರ್ಚೆಂ ಪೊರ್ಟೆಬಲ್ ಸೌಂಡ್ ಸಿಸ್ಟಮ್ ಮಾನೆಸ್ತ್ ಸಂತೋಷ್ ಕರ್ನೆಲಿಯೊನ್ ದಾನ್ ದಿಲಾಂ. ತಾಕಾ ದೆವ್ಬರೆಂ ಕರುಂ.
- ಮಾರ್ಚ್ 19ವೆರ್ ಬೈಬಲ್ ಗಾಜವ್ಣಿ ದವರ್ಲ್ಯಾ. ಸಗ್ಳಿ ಮಾಂಡಾವಳ್ ಕಶಿ ಕರ್ಚಿ ಮ್ಹಣ್ ವಾಚ್ತೆಲ್ಯಾಂಕ್ ಯೆತಾತ್ಯಾ ಸನ್ವಾರಾ ಸಾಂಜೆರ್ ಮಿಸಾ ಉಪ್ರಾಂತ್ ಇಗರ್ಜೆಂತ್ ವಿವರ್ ದಿತೆಲ್ಯಾಂವ್.
- ಯೆತಾತ್ಯಾ ಆಯ್ತಾರಾ 8ಚ್ಯಾ ಮಿಸಾ ಉಪ್ರಾಂತ್ ವಾಚ್ಪಾಂ ವಾಚ್ತೆಲ್ಯಾಂಕ್ ಸುರ್ವಿಲಿ ತರ್ಭೆತಿ ಆಸಾ. ನಾಂವಾಂ ದಿಲ್ಲ್ಯಾಂಚಿ ಹಾಜರಿ ಖಡ್ಡಾಯೆಚಿ.
- ಆದ್ಲ್ಯಾ ಆಯ್ತಾರಾ ತಿಳ್ಸಿಲ್ಲ್ಯಾ ಪರ್ಮಾಣೆಂ:ಮತದಾರ್ ಪಟ್ಟೆಚೆಂ ವಿಶೇಸ್ ಪರಿಷ್ಕರಣ್ ಚಾಲು ಜಾಲಾ. 2025 ಇಸ್ವೆಚ್ಯಾ ಮತ್ದಾರ್ ಪಟ್ಟೆಂತ್ ನಾಂವ್ ಆಸ್ಲ್ಯಾರ್ ಪಾವಾನಾ. ಪ್ರಾಯ್ ಜಾಲ್ಲ್ಯಾಂಕ್ 2002 ಇಸ್ವೆಂತ್ ತ್ಯಾಚ್ ಬುತಾಚ್ಯಾ ಪಟ್ಟೆಂತ್ ನಾಂವ್ ನಾತ್ಲ್ಯಾರ್, ತಾಣಿಂ ತಾಂಚ್ಯಾ ಬುತಾಚ್ಯಾ ಮೇಲ್ವೀಚಾರಾಕ್ ಮೆಳುನ್ ನಾಂವ್ ಉರವ್ಕ್ ಕ್ರಮ್ ಘೆಜೆ. ನಾಂವಾಂ ವೋಟರ್ ಲಿಸ್ಟಿರ್ ಉರ್ತಾತ್ ವಾ ನಾ ಮ್ಹಳ್ಳೆಂ ಖಾತ್ರಿ ಕರುಂಕ್ ಬಿಸ್ಪಾನ್ ಪ್ರತ್ಯೇಕ್ ಉಲೊ ದಿಲಾ. ಹೆ ವಿಶಿಂ ತುಮ್ಚೆಂ ಗುಮಾನ್ ದಿಯಾ.
- ಗಲ್ಫ್ ರಾಷ್ಟ್ರಾಂನಿ ಚಲ್ಚೆಂ ಝುಜ್ ವೆಗಿಂಚ್ ಸಂಪ್ಚ್ಯಾಕ್ ಆನಿ ಜಾಗತಿಕ್ ಶಾಂತಿ ಸ್ಥಾಪಿತ್ ಜಾಂವ್ಚ್ಯಾಕ್ ಹ್ಯಾ ದಿಸಾಂನಿ ಆಮಿ ಪ್ರತ್ಯೇಕ್ ಜಾವ್ನ್ ತೇರ್ಸಾ ವೆಳಾರ್ ಮಾಗ್ಯಾಂ.
- ಫಾಲ್ಯಾಂ/ಆಜ್ ಸಾಂಜೆರ್ ವಾಡ್ಯಾ ಜಮಾತ್:
- 5:00 ನಿತ್ಯಾದಾರ್ – ಒಥೇನ್ ಶೈಲಾ ಒಲಿವೆರಾ-ಗೆರ್