ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ
15.03.2026 – ಆಯ್ತಾರಾಚ್ಯೊ ತಿಳ್ಸೊಣ್ಯೊ
- ಹ್ಯಾ ಮಿಸಾಚಿ ಲಿತುರ್ಜಿ ಚಲಯ್ಲ್ಯಾ ವೈ.ಸಿ.ಎಸ್. / ಅಂತರ್ ಧರ್ಮೀಯ್ ಆಯೋಗ್ / ಮರಿಯಾ ಗೊರಟ್ಟಿ ವಾಡ್ಯಾಗಾರಾಂಕ್ ದೇವ್ಬರೆಂ ಕರುಂ.
- (ಸನ್ವಾರಾ) ಮಿಸಾ ಉಪ್ರಾಂತ್ ಇಗರ್ಜೆಂತ್ ಬೈಬಲ್ ಗಾಜವ್ಣಿವೆಳಿಂ ವಾಚ್ತೆಲ್ಯಾಂಕ್ ವಿವರ್ ದಿತಾಂವ್.
- ಫಾಲ್ಯಾಂ/ಆಜ್ 8ಚ್ಯಾ ಮಿಸಾ ಉಪ್ರಾಂತ್ ವಾಚ್ಪಾಂ ವಾಚ್ತೆಲ್ಯಾಂಕ್ ದಿವ್ಯ ಜ್ಯೋತ್ಯಿಚೊ ನಿರ್ದೇಶಕ್ ಬಾಪ್ ವಿಲ್ಸನಾನ್ ಚಲವ್ನ್ ವರ್ಚಿ ತರ್ಭೆತಿ ಆಸಾ. 11 ಪರ್ಯಾಂತ್ ಹೆ ತರ್ಭೆತೆ ಕಾರ್ಯಕ್ರಮ್ ಚಲ್ತಲೆ.
- ಫಾಲ್ಯಾಂ/ಆಜ್ ಸಾಂಜೆರ್ 3 ವೊರಾರ್ ಆಮ್ಚ್ಯಾ ಮಿಲೇನಿಯಮ್ ಹೊಲಾಂತ್ ಕಲ್ಯಾನ್ಪುರ್ ವಾರಾಡ್ಯಾಚ್ಯಾ ಗೊವ್ಳಿಕ್ ಮಂಡಳೆಚ್ಯಾ ಸರ್ವ್ ಸ್ತ್ರೀ ಸಾಂದ್ಯಾಂಕ್ ಬಿಸ್ಪಾಚ್ಯಾ ಸಲಹೆ ಪರ್ಮಾಣೆಂ ತರ್ಭೆತೆ ಕಾರ್ಯಕ್ರಮ್ ದೊವೊರ್ಲಾಂ. ದೆಕುನ್ ಆಮ್ಚ್ಯಾ ಆರ್ಥಿಕ್+ಗೊವ್ಳಿಕ್ ಮಂಡಳೆಚ್ಯಾ ಸ್ತ್ರಿಯಾಂನಿ ಹಾಜರ್ ಜಾಂವ್ಕ್ ಉಲೊ ದಿಲಾ.
- ಹ್ಯಾ ಸೊಮಾರಾ, ಮಂಗ್ಳಾರಾ, ಬುದ್ವಾರಾ ಘರಾಂತ್ ಆಸ್ಲೆಲ್ಯಾ ಪ್ರಾಯ್ವಂತಾಂಕ್ ಕುಮ್ಗಾರ್ ಹಾಡ್ತೆಲ್ಯಾಂವ್
- ಫಿರ್ಗಜೆಚ್ಯಾ ಯುವಜಣಾಂಕ್ ಐಸಿವೈಮಾನ್ ಆಸಾ ಕೆಲ್ಲ್ಯಾ ತೈಝೆ ಮಾಗ್ಣ್ಯಾಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೆವ್ಬರೆಂ ಕರುಂ.
- ಯೆತಾತ್ಯಾ ಆಯ್ತಾರಾ ಲಿತುರ್ಜಿ:
- ಸನ್ವಾರಾ ಸಾಂಜೆರ್ 4:30ವೊರಾರ್ – ಬಾಳೊಕ್ ಜೆಜು ವಾಡೊ
- ಆಯ್ತಾರಾ 6ವೊರಾರ್ – ಕೊವೆಂತಾಚಿ ಸಿಸ್ಟರಾಂ
- ಆಯ್ತಾರಾ 8ವೊರಾರ್ – ಕಥೊಲಿಕ್ ಸಭಾ
- ಘರ್-ಕುಟ್ಮಾಂಚೆಂ ಆಶಿರ್ವಚನ್ ಚಲಂವ್ಕ್ ಸಹಕಾರ್ ದಿಲ್ಲ್ಯಾ ವಾಡ್ಯಾ ಗುರ್ಕಾರಾಂಕ್/ಪ್ರತಿನಿಧಿಂಕ್ ದೇವ್ಬರೆಂ ಕರುಂ. ಮೊನ್ಸಿ. ಲೆಸ್ಲಿ ಡಿಸೋಜಾಚ್ಯಾ ಬಿಸ್ಪಾಚ್ಯೆ ದೀಕ್ಷೆ ವೆಳಿಂ ಜಾವ್ಚ್ಯಾ ಖರ್ಚಾಕ್ ಚಡ್ತಾವ್ ಕುಟ್ಮಾಂನಿ ಉದಾರ್ ಕಾಣಿಕ್ ದಿಲ್ಲ್ಯಾಕ್ ತುಮ್ಚೊ ಉಪ್ಕಾರ್ ಬಾವುಡ್ತಾಂವ್. ಹಿ ಕಾಣಿಕ್ ಗುರ್ಕಾರಾಂನಿ ಮಾರ್ಚ್ 20 ತಾರಿಕೆ ಭಿತರ್ ಇಗರ್ಜೆಕ್ ಪಾವಿತ್ ಕರುಂಕ್ ವಿನಂತಿ.
- ಹ್ಯಾ ಬ್ರೆಸ್ತಾರಾ ಮಾರ್ಚ್ 19ವೆರ್ ಆಮ್ಚ್ಯಾ ಇಗರ್ಜೆಂತ್ ಬೈಬಲ್ ಗಾಜವ್ಣಿ ದವರ್ಲ್ಯಾ. ಸಕಾಳಿಂ 7.30ವೊರಾರ್ ಆರಂಭ್ ಕರ್ತಾಂವ್. ಅಂವ್ದು ಆಮಿ ಗಣನಾ, ಪ್ರವಾದಿ ಆಮೊಸ್ ಆನಿ ಮಾತೆವಾಚ್ಯಾ ವಾಂಜೆಲಾಚೊ ದುಸ್ರೊ ಭಾಗ್ ವಿಂಚ್ಲಾ. ತುಮಿ ಯೆತಾನಾ ದಯಾ ಕರುನ್ ವ್ಹಡ್ಲೊ ಬೈಬಲ್ ಹಾಡ್ನ್ ಯೆಯಾ. ಸುರ್ವೆರ್ ಬೈಬಲ್ ಆಯೋಗಾಚ್ಯಾ ಸಾಂದ್ಯಾ ಸವೆಂ ಮೆಳುನ್ ಮಟ್ವಿ ಉಗ್ತಾವಣೆಚಿ ರೀತ್ ಆಸಾ. ತೀನ್ ವಿಭಾಗಾಂನಿ, ಮ್ಹಣ್ಜೆ ಪಯ್ಲೆಂ ಸಕಾಳಿಂ 10:30 ಪರ್ಯಾಂತ್, ತ್ಯಾ ಉಪ್ರಾಂತ್ ದನ್ಪಾರಾ 1 ಪರ್ಯಾಂತ್ ಆನಿ ತಿಸ್ರೊ ವಿಭಾಗ್ ಉಂಡೊ+ಪೀವನ್ ಜಾತಚ್ 01:30 ಥಾವ್ನ್ ಸಾಂಜೆರ್ 4:20 ಪರ್ಯಾಂತ್. ತ್ಯಾ ದೀಸ್ ಸಾಂ ಜುಜೆ ಬಾಪಾಚೆಂ ದಬಾಜಿಕ್ ಫೆಸ್ತ್. ಸಕಾಳಿಂ ಮೀಸ್ ನಾ. ಸಾಂಜೆರ್ 4:45 ವೊರಾರ್ ಫೆಸ್ತ್ ಮೀಸ್, ಮಿಸಾ ಪಯ್ಲೆಂ ದೈವಿಕ್ ಕಾಕುಳ್ತಿಚೊ ತೇರ್ಸ್. ತ್ಯಾ ದೀಸ್ ಪಬ್ಲಿಕ್ ರಜಾ. ವ್ಹಡಾ ಸಂಕ್ಯಾನ್ ಬೈಬಲ್ ಗಾಜವ್ಣೆಕ್ ಹಾಜರ್ ಜಾವ್ನ್ ಹ್ಯಾ ಕರೆಜ್ಮಾಂತ್ ಬೈಬಲಾಂತ್ ದೆವಾಚೊ ತಾಳೊ ಆಯ್ಕುಂಕ್, ಧ್ಯಾನ್ ಕರುಂಕ್ ಅವ್ಕಾಸ್ ಘೆವ್ಕ್ ಉಲೊ ದಿತಾಂವ್. ತುಮಿ ತುಮ್ಚ್ಯಾ ಪಾವ್ಟಿ ಪರ್ಮಾಣೆಂ ಕೆದ್ನಾಯೀ ಹಾಜರ್ ಜಾವ್ಯೆತ್, ಸಗ್ಳೊ ದೀಸ್ ಆಸ್ಯೆತ್. ಪೂಣ್ ಹಾಜರಿ ವಾಂಟುನ್ ವೆಚ್ಯಾಕ್ ವಾಡ್ಯಾಚಿ ಸರ್ತಿ ವಾಂಟುನ್ ಘಾಲ್ಯಾ. ವಿವರ್ ನೋ.ಬೊ. ಆಸಾ/ವಾಟ್ಸಾಪಾರ್ ಧಾಡ್ಲಾ. ಸಾಂಜೆರ್ ವ್ಹಡಾ ಸಂಕ್ಯಾನ್ ಮಿಸಾಕ್ ಯೆಯಾ
- ಹ್ಯಾ ಬುದ್ವಾರಾ ಥಾವ್ನ್ ಧಾವ್ಯಾ ಕ್ಲಾಸಿಂಚ್ಯಾ ಭುರ್ಗ್ಯಾಂಕ್ ಪಬ್ಲಿಕ್ ಎಕ್ಸಾಮ್ ಸುರು.. ತಾಂಚೆ ಪಾಸತ್ ಮಾಗ್ಯಾಂ.
- ಫಾಲ್ಯಾಂ/ಆಜ್ ಸಾಂಜೆರ್ ವಾಡ್ಯಾ ಜಮಾತ್:
- 5:00 – ಸಾಂ ಫಿಲಿಪ್ನೇರಿ – ಫ್ರಾನ್ಸಿಸ್ ಅವಿತಾ ಮಚಾದೊ
- ಪಾಟ್ಲ್ಯಾ ದಿಸಾಂನಿ ಅವ್ಘಡಾಕ್ ವಳಗ್ ಜಾಲ್ಲೆಂ ರೀಶಲ್ ಕರ್ನೆಲಿಯೊ ಆಜ್/ ಆಸ್ಪತ್ರೆಂತ್ ಅಂತರ್ಲೆಂ. ತಾಚಿ ಮರ್ಣಾವಿಧಿ ಉಪ್ರಾಂತ್ ತಿಳ್ಸಿತೆಲ್ಯಾಂವ್.