ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ
22.03.2026 – ಆಯ್ತಾರಾಚ್ಯೊ ತಿಳ್ಸೊಣ್ಯೊ
- ಆಯ್ಚಿ ದೈವಿಕ್ ದಾಯ್ಜ್ ಶಿಕವ್ಣ್: ಅಂಕ್ 101-111
- ಹ್ಯಾ ಮಿಸಾಚಿ ಲಿತುರ್ಜಿ+ಖುರ್ಸಾವಾಟ್ ಚಲಯ್ಲ್ಯಾ ಬಾಳೊಕ್ ಜೆಜು /ಕೊವೆಂತಾಚಿ ಸಿಸ್ಟರಾಂ /ಕಥೊಲಿಕ್ ಸಭೆಕ್ ದೇವ್ಬರೆಂ ಕರುಂ.
- ಫಾಲ್ಯಾಂ/ಆಜ್ 8ಚ್ಯಾ ಮಿಸಾ ಉಪ್ರಾಂತ್ ಕಥೊಲಿಕ್ ಸಭಾ ಮಿನಿ ಹೊಲಾಂತ್ ಸ್ತ್ರೀ-ಪುರಸ್ಕಾರ್ ಕಾರ್ಯಕ್ರಮ್ ಆಸಾ ಕರ್ತಾ. ತಾಂಕಾ ಆಮಿ ಬರೆಂ ಮಾಗ್ತಾಂವ್.
- ಹ್ಯಾ ಸೊಮಾರಾ, ಮಂಗ್ಳಾರಾ, ಬುದ್ವಾರಾ ಇಗರ್ಜೆಂತ್ ರೆತಿರ್ ಆಸಾ. ಸಾಂಜೆರ್ 4:30 ಥಾವ್ನ್ 6:45 ಪರ್ಯಾಂತ್ ಮಾಗ್ಣೆಂ, ಶಿಕವ್ಣ್ ಆನಿ ಮೀಸ್. ಕಾಪುಚಿನ್ ಯಾಜಕ್ ಹಿ ರೆತಿರ್ ಚಲಯ್ತಾತ್. ವ್ಹಡಾ ಸಂಕ್ಯಾನ್ ಹಾಜರ್ ಜಾಯಾ. ರೆತಿರೆಚಿ ಕುಮ್ಸಾರಾಂ ಬುದ್ವಾರಾ ಸಾಂಜೆರ್ 5:30-6:30. ರೆತಿರೆಚ್ಯಾ ದಿಸಾಂನಿ ಸಕಾಳಿಂ ಮೀಸ್ ನಾ.
- ಮುಕ್ಲ್ಯಾ ಬುದ್ವಾರಾ ಮಾರ್ಚ್ 25ವೆರ್ ಮರ್ಯೆಕ್ ಭಡ್ವಾನ್ ಇಜ್ಬಿ ಹಾಡ್ಲ್ಲೆಂ ದಬಾಜಿಕ್ ಫೆಸ್ತ್. ರೊಜಾರ್ ಮಾಯೆಚ್ಯಾ ಆನಿ ಸಾಂ ಜುಜೆ ಬಾಪಾಚ್ಯಾ ಪ್ರಧಾನ್ ಇಮಾಜಿಂಕ್ ಸಾದೆ ಕುರೊವ್ ಕರುನ್ ಘಾಲ್ಯಾತ್. ನಿತ್ಯಾಧಾರ್ ವಾಡ್ಯಾಚ್ಯಾ ಲೆನ್ವಿನ್ ಗೊನ್ಸಾಲ್ವಿಸಾನ್ ಹಾಚೆ ಕಾಮ್ ಕೆಲಾಂ. ತಾಕಾ ದೇವ್ಬರೆಂ ಕರುಂ.
- ಯೆತಾತ್ಯಾ ಬ್ರೆಸ್ತಾರಾ ಸಕಾಳಿಂ ಆಮ್ಕಾಂ ಯಾಜಕಾಂಕ್ ಮಾಗ್ಣಾಚೊ ದೀಸ್. ಆಮಿ ದಫ್ತರಾಂತ್ ಆಸ್ಚೆನಾಂವ್. ಸಾಂಜೆರ್ 4 ವೊರಾರ್ ಕಥೆದ್ರಾಲಾಂತ್ ತೆಲಾಂ ಪವಿತ್ರ್ ಕರ್ಚೆಂ ಮೀಸ್.
- ಯೆತಾತೊ ಆಯ್ತಾರ್ ರಾಮಾಚೊ ಆಯ್ತಾರ್. ಗುರ್ಕಾರಾಂನಿ ಸನ್ವಾರಾ ಸಾಂಜೆರ್ ರಾಮ್ ಪಾವಿತ್ ಕರುಂಕ್ ವಿನಂತಿ. ಆಯ್ತಾರಾ ಸಕಾಳಿಂ 6ವೊರಾಚೆಂ ಮೀಸ್ ನಾ. 7:30 ವೊರಾರ್ ಇಸ್ಕಾಲಾ ಲಾಗಿಂ ರಾಮ್ ಬೆಂಜಾರ್, ಉಪ್ರಾಂತ್ ಪುರ್ಶಾಂವ್ ಆನಿ ಮೀಸ್.
- ಭಾಗೆವಂತ್ ಹಪ್ತ್ಯಾಚ್ಯಾ ದೇವ್ಸ್ತುತಿಚಿ ಮಾಂಡಾವಳ್ ವಾಟ್ಸಾಪಾರ್ ಧಾಡ್ಲಾ ಆನಿ ನೋ.ಬೊ. ಆಸಾ. ವಾಚ್ಪಾಂಕ್ ನಮ್ಯಾರ್ಲೆಲ್ಯಾಂನಿ ದಿಸಾಂನಿ ಅಭ್ಯಾಸ್ ಕರುಂಕ್ ವೆಳಾರ್ ಯೇಜೆ.
- ಯೆತಾತ್ಯಾ ಆಯ್ತಾರಾ ಲಿತುರ್ಜಿ:
- ಸನ್ವಾರಾ ಸಾಂಜೆರ್ 4:30ವೊರಾರ್ – ಯುವ ಆಯೋಗ್
- ಆಯ್ತಾರಾ ಸಕಾಳಿಂ 7:30 ವೊರಾರ್ – ಲಿತುರ್ಜಿ ಸಮಿತಿ
- ಆದ್ಲ್ಯಾ ಆಯ್ತಾರಾ ವಾಚ್ಪಾಂ ವಾಚ್ತೆಲ್ಯಾಂಕ್ ಆಸಾ ಕೆಲ್ಲ್ಯಾ ತರ್ಭೆತಿಕ್ 188 ಜಾಣಾಂ ಹಾಜರ್ ಆಸ್ಲ್ಲಿಂ. ಹ್ಯಾ ತರ್ಭೆತೆಕ್ ಹಾಜರ್ ಜಾಲ್ಲ್ಯಾಂನಿ ಮಾತ್ರ್ ಆನಿ ಮುಕಾರ್ ಮಿಸಾರ್ ವಾಚ್ಪಾಂ ವಾಚುಂಕ್ ಅವ್ಕಾಸ್. ಲಿತುರ್ಜಿ ಚ¯ಯ್ತೆಲ್ಯಾ ಹೆರಾಂನಿ ಪ್ರಸ್ತಾವನ್ ಆನಿ ಭಾವಾ.ಪ್ರಾರ್ಥನಾಂ ವಾಚ್ಯೆತ್.
- ಹ್ಯಾ ಸುಕ್ರಾರಾ ಮಾರ್ಚ್ 19ವೆರ್ ಆಸಾ ಕೆಲ್ಲ್ಯಾ ಬೈಬಲ್ ಗಾಜವ್ಣಿ ಯಶಸ್ವಿ ಥರಾನ್ ಜಾಲ್ಯಾ ಮ್ಹಣ್ಯೆತ್. ವಾಚ್ಪ್ಯಾಂನಿ ಬರಿ ತಯಾರಾಯ್ ಕೆಲ್ಲಿ ಆನಿ ಬರಿ ಮಾಂಡಾವಳ್ ಸಾಂಬಾಳ್ಳೆಲಿ ದಿಸ್ತಾಲ್ಲಿ. ಬೈಬಲ್ ಆಯೋಗಾಚಾ ಸಂಚಾಲಕ್ ವಿಜಯ್ ಸಿಕ್ವೇರಾಕ್, ಸಹ-ಸಂಚಾಲಕಿ ಅನಿತಾ ಸಿಕ್ವೇರಾಕ್ ಆನಿ ಹೆರ್ ಸಾಂದ್ಯಾಂಕ್ ಅಭಿನಂದನ್. ಹಾಜರ್ ಜಾಲ್ಲ್ಯಾ ಸರ್ವಾಂಕ್ ದೇವ್ಬರೆಂ ಕರುಂ.
- ಎಪ್ರಿಲ್ 20ವೆರ್ ನವ್ಯಾ ಬಿಸ್ಪಾಚ್ಯಾ ದೀಕ್ಷೇಚ್ಯಾ ಕಾರ್ಯಕ್ರಮಾಕ್ ಹಾಜರ್ ಜಾವ್ಕ್ ಮನ್ ಆಸ್ಲ್ಲ್ಯಾಂನಿ ಯೆತಾತ್ಯಾ ಆಯ್ತಾರಾ ಭಿತರ್ ತುಮ್ಚ್ಯಾ ವಾಡ್ಯಾಚ್ಯಾ ಗುರ್ಕಾರಾಂ ಕಡೆ ಕುಟ್ಮಾ ಲೆಕಾನ್ ಸಂಕೊ ದಿಯಾ. ಕೊಯರಾಂತ್ ಆಸ್ತೆಲ್ಯಾಂನಿ, ಸ್ವಂಯ್ ಸೇವಕ್ ಜಾತೆಲ್ಯಾಂನಿ ವಾಡ್ಯಾಂತ್ಚ್ ನಂಬರ್ ದಿವ್ಚೆಂ. ಮುಕ್ಲ್ಯಾ ಸೊಮಾರಾ ಭಿತರ್ ಆಮಿ ಫಿರ್ಗಚೆಚೊ ಹೊ ಸಂಕೊ ದಿಯೆಸೆಜಿಕ್ ಧಾಡ್ನ್ ದಿತೆಲ್ಯಾಂವ್. ಬಸ್ಕಾಂಚಿ, ಜೆವ್ಣಾ-ಖಾಣಾಚಿ ವಿಲೆವರಿ ಕರುಂಕ್ ನಂಬರ್ ಗರ್ಜ್ ದೆಕುನ್ ಸಹಕಾರ್ ದಿಯಾ.
- ಮುಕ್ಲ್ಯಾ ರಜೆಚ್ಯಾ ದಿಸಾಂನಿ ಆಮ್ಚಿ ಭುರ್ಗಿಂ ಪಿಕ್ನಿಕ್ ಜಾಯ್ ಮ್ಹಣ್ತಾತ್. ಪೂಣ್ ಪಯ್ಲೆಂ ತಾಂಕಾ ಏಕ್ ಶಿಬಿರ್ ಚಲಯ್ತೆಲ್ಯಾಂವ್. ಎಪ್ರಿಲ್ 12ವೆರ್ ಆಯ್ತಾರಾ 8ಚ್ಯಾ ಮಿಸಾ ಉಪ್ರಾಂತ್ ವ್ಹಡ್ಲ್ಯಾ ಹೊಲಾಂತ್ ದನ್ಪರಾ 12 ಪರ್ಯಾಂತ್ ಕಾರ್ಯಕ್ರಮ್ ಚಲ್ತಲೆಂ. ಹೆಂ ಶಿಬಿರ್ ಪ್ರಸ್ತುತ್ 5ವಿ ಕ್ಲಾಸ್ ಥಾವ್ನ್ ಧಾವಿ ಪರ್ಯಾಂತ್ಲ್ಯಾ ಭುರ್ಗ್ಯಾಂಕ್, ಆನಿ ಮನ್ ಆಸ್ಲೆಲ್ಯಾ ಪಿಯು ಭುರ್ಗ್ಯಾಂಕ್. ಪಯ್ಲೆಂ ನಾಂವಾಂ ದಾಖಲ್ ಕರಿಜೆ. 5 ಥಾವ್ನ್ ಸಾತ್ವಾಚ್ಯಾ ಭುರ್ಗ್ಯಾಂನಿ ಗೊರೆಟ್ಟಿ ಕಾನ್ವೆಂಟಾಚಿ ಸುಪಿರೀಯರ್ ಸಿ|ಎಲ್ವಿನಾ ಕಡೆ ಆನಿ ಹೈಸ್ಕೂಲಾಚ್ಯಾ ಭುರ್ಗ್ಯಾಂನಿ ಬಾಪ್ ರೋಹನಾ ಕಡೆಂ ಮಾರ್ಚ್ 31 ಭಿತರ್ ನಾಂವಾಂ ದಿವ್ಚಿ. ಹ್ಯಾ ಶಿಬಿರಾಕ್ ಆಯಿಲ್ಲ್ಯಾ-ಭುರ್ಗ್ಯಾಂಕ್ ಮಾತ್ರ್ ಆಮಿ ಎಪ್ರಿಲ್ 13 ಸೊಮಾರಾ ಪಿಕ್ನಿಕಾಕ್ ಆಪವ್ನ್ ವ್ಹರ್ತೆಲ್ಯಾಂವ್.
- ಫಿರ್ಗಜೆಚೆ ಐಸಿವೈಯಮ್ ಎಪ್ರಿಲ್ 26ವೆರ್ ಆಯ್ತಾರಾ ಆದ್ಲ್ಯಾ ವರ್ಸಾಬರಿಚೆಂ ಕ್ರಿಕೆಟ್ ಸ್ಪರ್ಧೆ ಚಲಯ್ತಾತ್. ವಿವರ್ ತಾಣಿ ವಾಟ್ಸಾಪಾರ್ ವಾಡ್ಯಾಕ್ ಧಾಡ್ಲಾ.
- ಫಾಲ್ಯಾಂ/ಆಜ್ ಸಾಂಜೆರ್ ವಾಡ್ಯಾ ಜಮಾತ್:
- 5:00 – ಮರಿಯಾ ಗೊರಟ್ಟಿ – ಪೀಟರ್ ಜ್ಯೋತಿ ಲುವಿಸ್