ಮೌಂಟ್ ರೋಜರಿ ಫಿರ್ಗಜ್, ಸಂತೆಕಟ್ಟೆ ⛪
📣 19.04.2026 – ಆಯ್ತಾರಾಚ್ಯೊ ತಿಳ್ಸೊಣ್ಯೊ
📌1. ಹ್ಯಾ ಮಿಸಾಚಿ ಲಿತುರ್ಜಿ ಚಲಲ್ಲ್ಯಾಂಕ್ ಸೆಕುಲಾರ್ ಫ್ರಾನ್ಸಿಸ್ಕನ್ ಒಡ್ದ್ / ಮರಿಯಾ ಗೊರಟ್ಟಿ/ ನಿತ್ಯಾದಾರ್ ಮಾಯ್ ವಾಡ್ಯಾಗಾರಾಂಕ್ ದೇವ್ಬರೆಂ ಕರುಂ.
📌2. ಆಲ್ತಾರಿ ಫುಲಾಂ ಸ್ಪೊನ್ಸರ್ ಕೆಲ್ಯಾತ್ ಸಾಂ ಫ್ರಾನ್ಸಿಸ್ ಸಾವೆರ್ ವಾಡ್ಯಾಚ್ಯಾ ಹೆರಾಲ್ಡ್+ನಿಕಿತಾ ಫೆರ್ನಾಂಡಿಸ್, ತಾಂಚ್ಯಾ ಧುವೆ ಹೆನೊರಾಚ್ಯಾ ಪಯ್ಲ್ಯಾ ಕುಮ್ಗಾರಾ ಸಂದರ್ಭಿಂ. ದೇವ್ಬರೆಂ ಕರುಂ.
📌3. ಫಾಲ್ಯಾಂ/ಆಜ್ ಸಕಾಳಿಂ 8ಚ್ಯಾ ಮಿಸಾ ಉಪ್ರಾಂತ್ ನವ್ಯಾ ಬಿಸ್ಪಾಚ್ಯಾ ದೀಕ್ಷೆಚೆಂ ಕಾರ್ಯಕ್ರಮ್ ಬರ್ಯಾನ್ ಜಾವ್ಕ್, ದಿಯೆಸೆಜಿಚ್ಯಾ ವ್ಹಡಿಲಾಂಚ್ಯಾ ನಿರ್ದೇಶನಾ ಪರ್ಮಾಣೆಂ ಪವಿತ್ರ್ ಸಾಕ್ರಾಮೆಂತಾಚೆಂ ಆರಾಧನ್ ಆನಿ ವಿಶೇಸ್ ಮಾಗ್ಣೆ ಚಲಯ್ತೆಲ್ಯಾಂವ್.
📌4. ಫಾಲ್ಯಾಂ/ಆಜ್ ಸಕಾಳಿಂ 10 ಥಾವ್ನ್ ದನ್ಪಾರಾ 1 ಪರ್ಯಾಂತ್ ಫಿರ್ಗಜೆಚ್ಯಾ ಸ್ತ್ರೀ ಸಂಘಟನಾಚ್ಯಾ ಮುಕೆಲ್ಪಣಾರ್ ಭಲಾಯ್ಕೆ ಆಯೋಗ್, ರೋಟರಿ ಕ್ಲಬ್ ಆನಿ ಮಾಣಿಪಾಲ್ ಆಕಾಡೆಮಿಚ್ಯಾ ಸಹಕಾರಾನ್ ಆಮ್ಚ್ಯಾ ಇಸ್ಕಾಲಾಂತ್ ಧರ್ಮಾರ್ಥ್ ಮೆಡಿಕಲ್ ಕ್ಯಾಂಪ್ ದವರ್ಲಾಂ. ಚಡಿತ್ ವಿವರ್ ಭಾಯ್ರ್ ಬ್ಯಾನರಾರ್
📌5. ಆದ್ಲ್ಯಾ ಆಯ್ತಾರಾ ಕುಂದಾಪುರಾಂತ್ ಚಲ್ಲ್ಲ್ಯಾ ದಿಯೆಸೆಜಿ ಹಂತಾಚ್ಯಾ ಯೂತ್-ಸ್ಪೋರ್ಟ್ಸಾಂತ್ ಆಮ್ಚ್ಯಾ ಮಾರ್ಕ್ ಡಿಕೊಸ್ತಾಕ್ 100+200 ಮೀ. ರೇಸಾಂತ್ ಪಯ್ಲೆಂ ಸ್ಥಾನ್, ಸೆನೋರಾ ಡಿಸೋಜಾಕ್ ಜಾವೆಲಿನ್ ತ್ರೋಂತ್ ದುಸ್ರೆಂ ಸ್ಥನ್, 400 ಮೀ.ರೇಸಾಂತ್ ಆನ್ಸನ್ ಲುವಿಸಾಕ್ ತಿಸ್ರೆಂ ಸ್ಥಾನ್ ಲಾಬ್ಲಾಂ. ರೀಲೇ ಮಾರ್ಕ್, ಗ್ಲೆನ್ ಆನಿ ಆನ್ಸಸ್ ಆಸುನ್ ಪ್ರಥಮ್ ಸ್ಥಾನ್ ಲಾಬ್ಲಾಂ. ವಿಜೇತಾಂಕ್ ಅಭಿನಂದನ್.
📌6. ಯೆತಾತ್ಯಾ ಆಯ್ತಾರಾ ಲಿತುರ್ಜಿ:
🕟ಸನ್ವಾರಾ ಸಾಂಜೆರ್ 4:30 ವೊರಾರ್ – ವಾವ್ರಾ ಆಯೋಗ್
🕕ಆಯ್ತಾರಾ 6ವೊರಾರ್ – ಥಳಾಂತರ್ ಆಯೋಗ್
🕗ಆಯ್ತಾರಾ 8ವೊರಾರ್ – ಫಾತಿಮಾ
📌7. ನವ್ಯಾ ಬಿಸ್ಪಾಚ್ಚ್ಯಾ ಒಡ್ದಿಚೆಂ ಕಾರ್ಯೆಂ ಸೊಮಾರಾ ಕಥೆದ್ರಾಲಾಚ್ಯಾ ಮೈದಾನಾರ್ ಸಕಾಳಿಂ ಜುಸ್ತ್ 9ವೊರಾರ್ ಆರಂಭ್ ಕರ್ತಾತ್. 15 ಮಿನುಟಾಂ ಪಯ್ಲೆಂ ಮಿಸಾಚೊ ಪ್ರವೇಶ್ ಪುರ್ಶಾಂವ್ ಆರಂಭ್ ಜಾತಾ. ವೆಳಾರ್ ಯೇವ್ನ್, ಕಾರ್ಯಾಚ್ಯಾ ಅಕೆರಿ ಪರ್ಯಾಂತ್ ರಾವುನ್ ಸಹಕಾರ್ ದೀವ್ಕ್ ಬಿಸ್ಪ್ ಜೆರಾಲ್ಡಾನ್ ವಿನಂತಿ ಕೆಲ್ಯಾ. ಮಿಸಾ ಉಪ್ರಾಂತ್ ಫಳಾರ್ ಆಸಾ. ತ್ಯಾ ಉಪ್ರಾಂತ್ ಸಭಾ ಕಾರ್ಯೆಂ ಆರಂಭ್ ಕರ್ತಾತ್. 1:30 ಭಿತರ್ ಕಾರ್ಯೆಂ ಅಕೆರ್ ಕರುನ್ ಜೆವ್ಣಾಚಿ ಮಾಡಾವಳ್ ಸುರು ಕರ್ತಾತ್. ಅಭಿನಂಧನ್ ಪಾಠಂವ್ಕ್ ಪಯ್ಲೆಂ ಅಧಿಕøತ್ ಮಾನಾಚ್ಯಾ ವ್ಯಕ್ತಿಂಕ್, ಉಪ್ರಾಂತ್ ದಿಯೆಸೆಜಿಚ್ಯಾ ಸಂಘ-ಸಂಸ್ಥ್ಯಾಂಕ್, ತ್ಯಾ ಉಪ್ರಾಂತ್ ಹೆರಾಂಕ್ ಅವ್ಕಾಸ್ ಆಸಾ ಮ್ಹಣ್ ತಿಳ್ಸಿಲಾಂ. ಆಮ್ಚ್ಯಾ ಫಿರ್ಗಜೆಕ್ ನವೊ ಬಿಸ್ಪ್ ಮೇಯಾಚ್ಯಾ 10ವೆರ್ ಆಯ್ತಾರಾ 8ಚೆಂ ಮೀಸ್ ಭೆಟಂವ್ಕ್ ಯೆತೆಲೆ. ದೆಕುನ್, ತ್ಯಾ ದೀಸ್ ಮೆಳ್ಚೆಂ ಬರೆಂ ಮ್ಹಣ್ ದಿಸ್ತಾ.
📌8. ಒಡ್ದಿ ದಿಸಾ ಕಥೆದ್ರಾಲಾಂತ್ ವಾ ಭಂವ್ತಣಿ ಕಾರ್-ಬಸ್ಸಾಂ ಪಾರ್ಕ್ ಕರುಂಕ್ ಅವ್ಕಾಸ್ ನಾ. ರಸ್ತ್ಯಾ ದೆಗೆರ್ ದ್ವಿಚಕ್ರ್ ವಾಹಾನಾಂ ಪಾರ್ಕ್ ಕರುಂಕ್ ಥೊಡ್ಯಾ ಕಡೆ ಆಸಾ. ಆಮ್ಚ್ಯಾ ಮುಕ್ಲ್ಯಾ ಮೈದಾನಾರ್ ಭಾಯ್ಲ್ಯಾ ಫಿರ್ಗಜಾಂ ಥಾವ್ನ್ ಯೆತೆಲ್ಯಾಂಚಿ ವಾಹನಾಂ ಪಾರ್ಕ್ ಕರುಂಕ್ ಆಮಾನತ್. ಹಾಂಗಾ ಥಾವ್ನ್ ಕಥೆದ್ರಾಲಾಕ್ ವೊಚೊಂಕ್ ಸ್ಪೆಶೆಲ್ ಬಸ್ಸಾಂಚಿ ವಿಲೆವಾರಿ ಆಸಾ. ಆಮ್ಚ್ಯಾ ಫಿರ್ಗಜೆಚ್ಯಾಂನಿ ವಾಹಾನಾಂ ಜಾತಾ ತಿತ್ಲಿ ಉಣಿ ಕರುನ್ ಯೆಂವ್ಚೆಂ, ವಾಹಾನಾರ್ ಆಯ್ಲ್ಯಾರ್ ಇಗರ್ಜೆ ಪಾಟ್ಲ್ಯಾ ಮೈದಾನಾರ್ ಪಾರ್ಕ್ ಕರ್ಚಿ. ಮುಂದರುನ್ ಹಾಂಗಾ ಆಸ್ಚ್ಯಾ ಬಸ್ಸಾಂಚೆರ್ ಕಥೆದ್ರಾಲಾಕ್ ವೆಚೆಂ, ತಿಂಚ್ ಬಸ್ಸಾಂ ಪಾಟಿಂ ಪಾಯ್ತಾತ್. ನೇಜಾರ್ ಥಾವ್ನ್ ಯೆತೆಲ್ಯಾಂನಿ, ಕ್ರಿಕೆಟ್ ಮೈದಾನಾ ಥಾವ್ನ್ ಅಗಸನಾಕೆರೆ ಲಾಗಿಂ ವೆಚೆಂ ಆನಿ ಥಂಯ್ ವಾಹನಾಂ ಪಾರ್ಕಿಂಗ್ ಕರುಂಕ್ ಸಾಂಗ್ಲಾಂ. ಆಮ್ಚ್ಯಾ ಮೈದಾನಾರ್ ಕಥೊಲಿಕ್ ಸಭೆಚೆ ಸ್ವಯೆಂ-ಸೇವಕ್ ಸೆಕ್ಯುರಿಟಿ ಗಾರ್ಡಾಂ ಸಂಗಿಂ ಪಾರ್ಕಿಂಗ್ ನಿರ್ವಹಣ್ ಕರ್ತೆಲೆ. ಸಹಕಾರ್ ದಿಯಾ. ಹೆರ್ ಸ್ವಯಂ ಸೇವಕಾಂನಿ ತಾಂಕಾಂ ದಿಲ್ಲೊ ವಾವ್ರ್ ಕರುನ್ ಸಹಕಾರ್ ದಿವ್ಚೊ.
📌9. ಲಕ್ನೊಚೆ ಬಿಸ್ಪ್ ಬೋ| ಮಾ| ಜೆರಾಲ್ಡ್ ಮಥಾಯಸ್ ಬಾಪ್ ಮುಳಾವ್ಯಾನ್ ಆಮ್ಚ್ಯಾಚ್ ಪಿರ್ಗಜೆಚೆಂ. ಆದ್ಲ್ಯಾ ವರ್ಸಾ ತಾಂಚ್ಯಾ ಗೊವ್ಳಿಕ್ ದೀಕ್ಷೆಚೊ ರುಪೆÇ್ಯೀತ್ಸವ್ ಆಸ್ಲ್ಲೊ. ತೆ, ಆಮ್ಚ್ಯಾ ಇಗರ್ಜೆಂತ್ ಎಪ್ರಿಲ್ 26ವೆರ್ ಆಯ್ತಾರಾ 8ಚೆಂ ಮೀಸ್ ಭೆಟಯ್ತೆಲೆ. ತ್ಯಾ ಉಪ್ರಾಂತ್ ಫಿರ್ಗಜೆ ತರ್ಫೆನ್ ಮಟ್ವೊ ಸನ್ಮಾನ್ ಕರ್ತೆಲ್ಯಾಂವ್.
📌10. ಯೆತಾತ್ಯಾ ಆಯ್ತಾರಾ ದನ್ಪರಾ ಉಪ್ರಾಂತ್ ಆಮ್ಚ್ಯಾ ಐಸಿವೈಯಮಾನ್ ಚಲಂವ್ಚೆಂ ಕ್ರಿಕೆಟ್ ಮ್ಯಾಚ್ ಆಸಾ. ಸಾಂಜೆರ್ ಉದ್ಯಾವರ್ ಇಗರ್ಜೆ ಮೈದಾನಾರ್ ಕರ್ನಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೆಂ ವಿಶೇಸ್ ಕರ್ಯೆಂ ಆಸಾ. ಚಡಿತ್ ವಿವರ್ ನೋ. ಬೊ. ಆಸಾ.
📌11. ಫಾಲ್ಯಾಂ/ಆಜ್ ಸಾಂಜೆರ್ 3 ವಾಡ್ಯಾನಿ ಜಮಾತ್ಯೊ:
▫️04:30 – ಮರಿಯಾ ಗೊರಟ್ಟಿ – ಹೆನ್ರಿ ಡಿಸಿಲ್ವಾ
▪️05:00 – ಸಾಂ ಫ್ರಾ. ಸಾವೆರ್ – ಜಯರಾಜ್ ನಿರ್ಮಲಾ ಡಿಸೋಜಾ
▫️05:00 – ಲೂರ್ಡ್ಸ್ – ಹೆಲೆನ್ ಫೆರ್ನಾಂಡಿಸ್